ලොව වඩාත් ජනප්‍රිය කෙටි පණිවුඩ වැඩසටහනක් ලෙස සැලකෙන X (මීට පෙර Twitter) හි පරිශීලකයන්ගෙන් මාසිකව ඉතාමත් සුළු ගාස්තුවක් අය කිරීමට සිදුවනු ඇතැයි එහි වත්මන් හිමිකරුවා වන එලෝන් මස්ක් පවසයි. විශේෂයෙන්ම X සතුව ඇතැයි පැවසෙන දහස් ගණනක් වන ව්‍යාජ පරිශීලකයන් (bots) ඉවත් කිරීම සදහා එය වැදගත් වන බවත් ඔහු සඳහන් කර සිටියි.
“X වැඩසටහන භාවිත කරන්නන්ගෙන් මාසිකව ඉතාමත් සුළු ගාස්තුවක් අය කිරීමට අපට සිදු වේවි. එය තමයි, අපිට ඉතාමත් විශාල මේ bot හමුදාවන් සමග සටන් කරන්නට තියෙන එකම මාර්ගය. මොකද එක ගිණුමකින් ශතයක් කියන්නේ මේ වගේ ව්‍යාජ ගිණුමකට එය දහගුණයක් වගේ. ඒ නිසා යමෙකුට X සඳහා සුළු ගෙවීමක් සිදු කරන්න වුණත්, එය bot වැඩසටහනක් සදහා ඉතාමත් ඉහළ වියදමක් වේවි.” යනුවෙන් මස්ක් පවසා ඇත.
පසුගිය වසරේ ඔක්තෝබර් මාසයේදී මස්ක් එක්සත් ජනපද ඩොලර් බිලියන 44කට Twitter මිලදී ගත් අතර, පසුව මේ වසරේ ජූලි මාසයේදී එය X ලෙස වෙනස් කළේය.
0 Comments