ශ්‍රී ලාංකික පුහුණුව ලත් නාවිකයින් සඳහා රැකියා අවස්ථා ලබාදීමට ලොව විශාලතම නාවික සමාගමක් වන ‘ෆා ෂිපින්’ එකඟ වූ බව වරාය, නාවික හා ගුවන් සේවා අමාත්‍ය නිමල් සිරිපාල ද සිල්වා මහතා පවසයි.
ඔහු මේ බව පැවසුවේ 'Far Shipping' ආයතනයේ කළමනාකාර අධ්‍යක්ෂ Yu Yong Jun ඇතුළු නියෝජිත පිරිසක් ඊයේ අමාත්‍යවරයාගේ කාර්යාලයේදී හමුවූ අවස්ථාවේදීය.
U Yong Jun පැවසුවේ ශ්‍රී ලාංකික පුහුණු තරුණ නාවිකයින් බොහෝ දෙනෙකුට චීනයේ පිහිටි තම ආයතනයේ රැකියා අවස්ථා ලබාදිය හැකි බවයි.
එබැවින් බඳවා ගැනීමේ ක්‍රමවේදයන් සම්බන්ධයෙන් ශ්‍රී ලංකාවේ නාවික ක්ෂේත්‍රයට සම්බන්ධ පාර්ශ්වකරුවන් සමඟ දීර්ඝ වශයෙන් සාකච්ඡා කරන බව ඔහු පැවසීය.
ශ්‍රී ලංකාවේ නාවික පුහුණු ආයතනවලින් උපාධිය ලබා ඇති තරුණ තරුණියන් රැකියා ස්ථානයේ පුහුණුව සඳහා බඳවාගෙන ස්ථිර සේවය සඳහා බඳවා ගැනීමට තම සමාගම කැමැත්තෙන් සිටින බව ජුන් වැඩිදුරටත් පැවසීය.
ශ්‍රී ලංකා වරාය අධිකාරිය යටතේ ඇති මහපොල මැරිටයිම් සමාගම මෙන්ම පෞද්ගලික අංශයේ ආයතන සහ මොරටුව විශ්වවිද්‍යාලය මගින් සෑම වසරකම නාවික ක්ෂේත්‍රයේ ගුණාත්මක කණ්ඩායම් පුහුණු කරන බවත් අවශ්‍ය නම් ඔවුන්ට චීන භාෂා ප්‍රවීණතාව ඇතුළත් පාඨමාලාවක් ලබාදිය හැකි බවත් අමාත්‍ය සිල්වා මහතා පැවසීය.
අතීතයේ සිටම චීනය මිතුරෙකු ලෙස ශ්‍රී ලංකාවට උදව් කළ බව සිහිපත් කළ අමාත්‍යවරයා ශ්‍රී ලංකා රජය භාර අමාත්‍යවරයා ලෙස මෙරට තරුණ තරුණියන්ට නාවික සහ විවිධ ක්ෂේත්‍රවල රැකියා අවස්ථා ලබාදීම පිළිබඳව සිය කෘතඥතාව පළ කළේය.
0 Comments