කොළඹදී සාප්පු සවාරි යන්නන්ට ‘හැව්ලොක් සිටි මෝල්‘ ඔක්තෝබර් මස 19 විවෘත කෙරේ

ශ්‍රී ලංකාවේ නවතම සුපිරි සාප්පු සංකීර්ණය ‘හැව්ලොක් සිටි මෝල් ‘ (Havelock city mall)  2023 ඔක්තෝබර් 19 දින විවෘත කරන්නට සූදානම් වේ. කොළඹ නගර මධ්‍යයේ හැවිලොක් ටවුන්හි පිහිටි ලෝක මට්ටමේ සාප්පු සවාරි විනෝදාස්වාද ස්ථානයක් බවට මෙය ඉදිරියේදී පත්වනු ඇත.
 ඕවර්සීස් රියල්ටි (සිලෝන්) පීඑල්සී විසින් සංවර්ධනය කර තිබෙන මෙම සාප්පු සංකීර්ණය වර්ග අඩි 200,000 කට වඩා විහිදෙන්නකි.ODEL, Mango,Cool Planet, Mimosa,Sona Mandhir ඇතුලු විලාසිතා සාප්පු , Singer,Abans,Samsung,iStudio ඇතුළු විදුලි හා ඉලෙක්ට්‍රොනික් සාප්පු, Roots, PappaRich,Harpors,Pizza Hut,KFC,Burger King ඇතුළු ආහාර පාන අවන්හල්, Cargills Food Hall සුපිරි වෙළෙඳ සැල, Scope Cinema,  ඇතුළු ප්‍රමුඛතම සන්නාම සමග අත්වැල් බැඳගෙන තිබේ.

 අලෙවිසැල් 132 ක විලාසිතා , විනෝදාස්වාද, ආහාර පාන වර්ග,  සේවා, ඉලෙක්ට්‍රොනික උපකරණ, ගෘහ උපකරණ සහ තෑගි ඇතුළු විවිධ දේ ඇතුළත්ය.
ශ්‍රී ලංකාවේ ප්‍රථම සහ එකම විශාල ආකෘතියේ IMAX සිනමා ශාලා ආසන 1,000ක, තිර හයේ බහුපරිමාණයකින් නිමකර ඇතැයි දන්වා තිබේ.
කුඩා දරුවන්ට විනෝද ඒකකයක් මෙන්ම Jungle Zone කඳු නැගීමේ පවුර Ocean Zone ජල ක්‍රීඩා ක්‍රියාකාරකම් රාශියක් සහිත ක්‍රීඩාවන්ද ඉදිරිපත් කරයි.  මුළු පවුලටම ඒආර් සහ වීආර් ක්‍රීඩා පිරිනමන ක්‍රීඩා ආකේඩ් එකක්ද ඇත.