ලබන මාසයේ සිට ඇමරිකානු RM Parks ෂෙඩ් 150 ක් සමඟ ලංකාවේ

ඇමරිකා එක්සත් ජනපදයේ RM Parks සමාගම ලබන මාසයේ දී ශ්‍රී ලංකාවේ ඉන්ධන බෙදාහැරීම ආරම්භ කරන බව විදුලිබල හා බලශක්ති අමාත්‍යංශය දන්වා ඇත.
ලංකා ඛනිජ තෙල් නීතිගත සංස්ථාව (CPC) විසින් වෙන් කරන ලද ඉන්ධන පිරවුම්හල් 150 ක් හරහා ඛනිජ තෙල් නිෂ්පාදන ආනයනය කිරීම, බෙදා හැරීම සහ විකිණීම සඳහා සමාගම පසුගිය ජූනි මාසයේදී වසර 20 ක ගිවිසුමකට අත්සන් තැබීය.

ෂෙල් පීඑල්සී යටතේ ක්‍රියාත්මක වන RM Parks ඉදිරියේදී CPC, ලංකා ඉන්දියන් ඔයිල් සමාගම (LIOC) සහ චීනයේ සිනොපෙක් සමාගමෙන් පසුව මෙරට ඉන්ධන වෙළඳපොළට පිවිසෙන ලංකාවේ සිව්වන සිල්ලර තෙල් වෙළෙන්දා බවට පත්වනු ඇත

මෙම සමාගමට මුලදී CPC සමාගමට අයත් ඉන්ධන පිරවුම්හල් 150 ක් ලබා දෙන නමුත් පසුව ඉන්ධන පිරවුම්හල් 50 ක් තනිවම විවෘත කිරීමට අවස්ථාව ලැබෙනු ඇත. RM Parks වල සෑම දිස්ත්‍රික්කයකම අවම වශයෙන් එක් ඉන්ධන පිරවුම්හලක් වත් ඇති අතර, කොළඹ.නාගරික මධ්‍යස්ථාන කෙරෙහි අවධානය යොමු කරන බහු විධ ඉන්ධන පිරවුම්හල් ඇති බව කියැවේ.

අගෝස්තු මස අග භාගයේදී ඉන්ධන බෙදා හැරීම ආරම්භ කළ චීනයේ සිනොපෙක් සමාගම මෙන්, RM Parks වලටද සහන මිලකට එහි ඉන්ධන අලෙවි කිරීමට අවස්ථාව ලබා දෙන බව එම නිලධාරියා අනාවරණය කළේය.

සිනොපෙක් සමාගම මේ වන විට සියලුම වර්ගයේ ඉන්ධන අලෙවි කරන්නේ සිය තරඟකරුවන් වන CPC සහ LIOC වලට වඩා රුපියල් 3 ක් අඩුවෙනි.
එක්සත් ජනපදය පදනම් කරගත් සමාගම සෑම මසකම ඉන්ධන මෙට්‍රික් ටොන් 40,000 ක තොගයක් ආනයනය කිරීමට අපේක්ෂා කරයි.