පවතින වියළි කාලගුණය හේතුවෙන් ජල උෂ්ණත්වය 37c ඉක්මවූ පසු දකුණු ඇමරිකාව හරහා ගලායන ඇමසන් නදියේ ඩොල්ෆින් මසුන් 100 කට වඩා මිය ගොස් ඇති බව විදෙස් මාධ්‍ය වාර්තා කරයි.
මෙම කම්පනසහගත සොයා ගැනීම නදියට යාවූ ටෙෆේ විලෙන් හඳුනාගෙන ඇති අතර අතර දීර්ඝ කාලීන නියඟයක ප්‍රතිඵලයක් ලෙස මෙය සිදුව ඇතැයි සැලකේ. බ්‍රසීලයේ මාමිරාවා ආයතනයේ ප්‍රකාශකයෙකු මෙසේ පැවසීය: "මෙම ආන්තික සිදුවීමට හේතුව තීරණය කිරීම තවමත් කල් වැඩි නමුත් අපගේ විශේෂඥයන්ට අනුව, එය නිසැකවම ටෙෆේ විලෙහි නියං කාල පරිච්ඡේදය හා අධික උෂ්ණත්වය සමඟ සම්බන්ධ වී ඇත. සමහර ස්ථාන සෙල්සියස් අංශක 39 ඉක්මවා තිබෙයි."
බ්‍රිතාන්‍ය පර්යේෂක ඩැනියෙල් ට් රෙගිඩ්ගෝ, මේ ප්‍රදේශයෙහි ඇතිවූ තත්වය "ඛේදවාචකයක්" ලෙස හැඳින්වූයේය.
"ගංගාශ්‍රිත රෝස පැහැ ඩොල්ෆින් නිතිපතා දැකීම ඇමේසන් ආසන්නයේ ජීවත් වන්නන් ලබන වාසනාවන්ගෙන් එකකි. මම උදේ ආහාරය ගැනීමට වෙළඳපොළට යන සෑම අවස්ථාවකම ඔවුන් මතුපිටට පැමිණෙන අයුරු දකින අතර එය සුන්දර අත්දැකීමකි. යමෙකු මිය ගොස් ඇති බව දැන ගැනීම කනගාටුදායක ය, නමුත් මෙම නියඟයට 100 කට වඩා මිය ගොස් ඇති බව දැන, මළකඳන් ගොඩවල් දැකීම ඛේදවාචකයකි."
ලොව විශාලතම ඇමසන් ගංගාවේ ජල මට්ටමද පසුගිය සති දෙක තුළ දිනකට සෙන්ටිමීටර 30 කින් පහත වැටී ඇති අතර, මෙම වසරේ පමණක් සමස්තයක් ලෙස වියළී ගොස් ඇති බව සොයාගෙන ඇත.
මේ හේතුවෙන් සමහර ප්‍රදේශ බෝට්ටු මගින් ළඟා විය නොහැකි තත්වයට හේතු වී ඇති අතර, සාමාන්‍යයෙන් ගංගාව හරහා සිදු කරන ආහාර බෙදා හැරීමේ කටයුතුද නවතා දමා ඇත.
0 Comments