ඊයේ පැවති ලෝක කුසලාන ක්‍රිකට් තරගයේදී ඉන්දියාවට එරෙහිව ලෝක කුසලාන ආරම්භක තරගය ඕස්ට්‍රේලියාවට අහිමි වූ පසු ඔස්ට්‍රේලියානු පන්දු යවන ක්‍රීඩක ජෝෂ් හේසල්වුඩ් තරගය ගැන විස්තර කර තිබේ.විරාත් කෝලිගේ අත්හරින ලද උඩපන්දුව නිසා තරගයට බලපෑමක් නොකළ බව ඔහුගේ මතයයි.
ඔස්ට්‍රේලියාව චෙන්නායිහිදී පළමු ඉනිමේදී ඕවර 49.3කදී ලකුණු 199කට පමණක් දැවී ගිය පසු, පළමු ඕවර දෙක තුළදී ඉන්දීය පිතිකරුවන් තිදෙනකුද අවාසනාවන්ත ලෙස දැවී ගිය අතර කෝලි තරගයේ ජයග්‍රාහී හවුල්කාරිත්වයේ කොටසක් ලෙස ලකුණු 85ක් රැස් කිරීමට රහුල් සමග හවුල් වූයේය.
හඹා යාමේ අටවැනි ඕවරයේදී කෝලි ලකුණු 12ක් ලබා සිටියදී ආපසු හරවා යැවීමට ඔස්ට්‍රේලියාවට ස්වර්ණමය අවස්ථාවක් උදාවූ නමුත් මිචෙල් මාෂ් උඩපන්දුවක් අතහැරියේය. මෙය කෝලි පුදුමයට පත් කළේය.
මිඩ් විකට් සිට දිව ගිය මාෂ් සහ කඩුලු රකින ක්‍රීඩක ඇලෙක්ස් කැරී අතර පන්දුව පතිත වී
කැරී ද පන්දුව දෙසට ඇදීයාම නිසා අවධානය වෙනතකට යොමු කළ මාෂ් එය බිමට ලිස්සා යාමට ඉඩ හැරියේය.
තරගයේ වීරයා KL රාහුල් සමඟ එක්ව සිවුවැනි කඩුල්ලට ලකුණු 165ක් එක් කිරීමට ගිය කෝලි දෙවැනි අවස්ථාවෙන් උපරිම ප්‍රයෝජන ගත් අතර ඉන්දියාව කඩුලු 6කින් ඕස්ට්‍රේලියාව පරාජය කළේය.
තරඟයෙන් පසුව පැවති සාකච්ඡාවේදී අදහස් දක්වමින් හේසල්වුඩ් ප්‍රකාශ කළේ මාෂ් විසින් කෝලිගේ උඩපන්දුව අතහැර දැමීම තීරණාත්මක අවස්ථාවක් නොවන බවයි.
“නෑ, මම හිතුවේ නැහැ කේරිට එතනට එන්න පුළුවන් වෙයි කියලා. මම හිතන්නේ එය මිච්ගේ උඩපන්දුවක් වෙන්න තිබුණා. බොහෝ විට කේරී අවසානයේ තරමක් ළං වූ නිසා එයින් මිච්ව ඉවත් කර දැමුවා. ඔව්, ඔහු උඩපන්දුවක් අතහැරියා, එය තරගයකදී සිදු විය හැකි දේවල් වලින් එකක් පමණයි. සෑම කෙනෙකුම දැඩි ලෙස පුහුණුවීම් කරනවා..“ යනුවෙනි.
2023 ලෝක කුසලානයේ ඕස්ට්‍රේලියාවේ මීළඟ තරඟය ඔක්තෝබර් 13 බ්‍රහස්පතින්දා දකුණු අප්‍රිකාවට එරෙහිව ලක්නව්හිදී පැවැත්වෙන අතර ඉන්දියාව මීළඟට දිල්ලි බලා ගොස් ඇෆ්ගනිස්ථානයට එරෙහිව ඔක්තෝබර් 11 බදාදා තරග කරයි.
0 Comments