සුනඛයන් සඳහා විවෘත චිත්‍ර ප්‍රදර්ශනයක් මෙක්සිකෝවේ

බල්ලන් සහ මිනිසුන් අතර ඇති විශේෂ බැඳීම වසර දහස් ගණනක් තිස්සේ කලාකරුවන්ට ආස්වාදයක් ලබා දී ඇත.
 මෙක්සිකෝ නගරයේ Museo Tamayo ප්‍රදර්ශනය මිනිසුන්ට සහ ඔවුන්ගේ සුනඛ මිතුරන්ට නැරඹිය හැකි නවීන කලා කෘති ප්‍රදර්ශනයක් තබා ඇත.

කෞතුකාගාරයේ එකතුවෙහි භාරකාර සහකාර Lorenza Errasti පැවසුවේ මෙම ප්‍රදර්ශනය  නිර්මාණය කර ඇත්තේ බල්ලන්ට සහ අයිතිකරුවන්ට කෘති අත්විඳිය හැකි ආකාරයට වන බවයි.

"ප්‍රදර්ශනයේ කියවීම් හැඟීම් මත පදනම් වේ,  ඒ වගේම ස්වාමියා සහ ඔවුන්ගේ බල්ලා අතර පවතින ආදරණීය සම්බන්ධතාවය සැමවිටම පවතී. එම නිසා අපි ඒ සඳහා මෙම අවකාශය විවෘත කරමු." යැයි ඇය පැවසුවාය.

දෙවන #ArteyPerros, නොහොත් Art and Dogs, ප්‍රදර්ශනයට Haris Epaminonda, Max Ernst, Mathias Goeritz, Pierre Huyghe, Danh Vo සහ Mario Garcia Torres කොටස් මෙන්ම Luis Felipe Fabre ගේ කවියක් ද ඇතුළත් වේ.

ප්‍රදර්ශනය නැරඹීමට පැමිණි හයවන ශ්‍රේණියේ සිසුවියක වන මිලා කොහෙන් පැවසුවේ තම සුනඛයා වන සකුරා මෙයට රැගෙන යා හැකි වීම අගය කරන බවයි. "මම කැමතියි මගේ බල්ලා හැමතැනම ගෙනියන්න" යැයි ඇය පැවසුවාය.

“අපේ සුනඛයන් සමඟ කාලය ගත කළ හැකි කලාව සමඟ , තවත් මෙවැනි අවකාශයන් තිබේ නම් එය බොහෝ වටින බව” ඡායාරූප ශිල්පියෙකු වන මනු එචවෙරියා පැවසීය.