ට්විටර් සමාජ මාධ්‍ය මිළට ගෙන පසුව එය X බවට පරිවර්තනය කළ දා සිට කාගේත් කථාබහට ලක්වන, ප්‍රකෝටිපතියෙකු වන එලොන් මස්ක් සිදු කළ ප්‍රකාශයක් නිසා නැවත වරක් අවධානයට ලක්ව ඇත. ඔහුගේ X මයික්‍රොබ්ලොගින් වේදිකාවේ ඔහුගේ නිරන්තර යාවත්කාලීන කිරීම් සමඟින් ලොව පුරා සිටින පරිශීලකයින් නිතර සම්බන්ධ කර ගනී.
මුදල් පිණිස නොවන සේවාවක් ලෙස පවත්වා යන අන්තර්ජාල විශ්ව කෝෂයක් වන ‘විකිපීඩියා‘ නම වැරදි බවත් නිවැරදි නම ‘ඩිකිපීඩියා‘ බවත් ඔවුන්ගේ නම වෙනස් කළහොත් ඩොලර් බිලියනයක් ලබා දෙන බවත් කෝටිපතියා මෑතකදී නිවේදනය කළේය.
“ඔවුන්ගේ නම ‘ඩිකිපීඩියා‘ ලෙස වෙනස් කළහොත් මම ඔවුන්ට ඩොලර් බිලියනයක් දෙන්නෙමි,” යැයි ඔහු පැවසුවේය. “නිරවද්‍යතාවයේ අවශ්‍යතාවය සඳහා” ඔහු එය කරන බව පවසා ඇත.
අවම වශයෙන් වසරක්වත් එය පැවතිය යුතු බව මස්ක් තවත් කොන්දේසියක් නියම කළේය.
“විකිමීඩියා පදනමට මෙතරම් මුදලක් අවශ්‍ය වන්නේ මන්දැයි ඔබ කවදා හෝ කල්පනා කර තිබේද? විකිපීඩියාව ක්‍රියාත්මක කිරීමට එවැනි මුදලක් අවශය වෙන්නේ නැහැ. " යනුවෙන් මස්ක් තවදුරටත් පැවසුවේය.
මෙම සටහන බෙදාගත් දා සිට එය මිලියන 9.9 ක් නැරඹා ඇති අතර, ලක්ෂයකට වඩා like ලබාගෙන ඇත.
මේ සම්බන්ධව අදහස් දක්වමින් පුද්ගලයෙක් පැවසුවේ , “එය මිල දී ගෙන ස්වයංක්‍රීයව යාවත්කාලීන කිරීම සදහා AI යොදා ගැනීම සුදුසු බවයි.
0 Comments