කොළඹ 7 කුරුඳුවත්ත තුරඟ තරග පිටිය අසල දී තරුණයකු පැහැරගෙන මෝටර් රථයකින් රැගෙන ගොස් පහර දී රන් මාලයක් කොල්ල කා කොල්ලුපිටිය ලිබර්ටි වටරවුම අසල දමා ගිය රාජගිරිය පෞද්ගලික විශ්වවිද්‍යාලයක සිසුන් සිවු දෙනෙකු අත්අඩංගුවට ගත් බව කුරුඳුවත්ත පොලිසිය කියයි.පැහැර ගැනීමට යොදාගත් මෝටර් රථය ද පොලිස් බාරයට ගෙන ඇත. පහර කෑ තරුණයා රෝහල් ගතව ඇතැයි පොලිසිය පවසයි.
ඔහු නුගේගොඩ ප්‍රදේශයේ උත්සව ශාලාවක පැවති උපන් දින සාදයකට සහභාගි වී මිතුරන් පිරිසක් සමඟ කුරුඳුවත්ත තුරඟ තරග පිටිය අසලට පැමිණ සිටියදී මෝටර් රථයකින් පැමිණ තිබූ සැකකරුවන් තරුණයා පැහැරගෙන ගොස් තිබූ බව පොලිස් විමර්ශනවලදී අනාවරණය වී තිබිණි. පහර දුන් පිරිස අතර සිටින තරුණයෙකුගේ පෙම්වතියගේ ඡායාරූප අන්තර්ජාලය ඔස්සේ ප්‍රසිද්ධ කිරීම සම්බන්ධයෙන් උරණ වී පහර කෑ තරුණයාට දුරකතන ඇමතුමක් දී හමුවීමට අවශ්‍ය බව දන්වා පැමිණ මෙම පැහැර ගැනීම සිදුකර තිබූ බව පොලීසිය සඳහන් කරයි.
බිමල් ශ්‍යාමන් ජයසිංහ
0 Comments