නෙළුම් කුළුනේ අබ්සෙයිලිං -ස්කයි වෝක් - ෆුඩ් කෝර්ට්- මියුසියම් ලබන මාස දෙක තුළ ඇරඹේ

කොළඹ නෙළුම් කුලුන නැරඹීමට පැමිණෙන අමුත්තන්ට නුදුරේදීම අපූරු අත්දැකීමක් ලබා ගත හැකි වනු ඇති බව එහි කළමනාකාරීත්වය පවසයි.
පසුගිය අඟහරුවාදා (07) කොළඹ නෙළුම් කුළුණේ ‘ගුවන් නියමු අබ්සෙයිලිං‘ (කඹයක ආධාරයෙන් ගමන් කිරීම) සිදු කෙරුණු අතර, එය දකුණු ආසියාවේ උසම අත්දැකීම වන බව කළමනාකාරීත්වය පවසයි.

එය මහජනතාවට විවෘත කළ පසු ආකර්ෂණීය නව ත්‍රාසජනක ක්‍රියාකාරකම් ගෙන ඒම කළමනාකාරීත්වය අරමුණු කරයි.

කොළඹ නෙළුම් කුළුණ  අධ්‍යක්ෂ මේජර් ජෙනරාල් එස්.ඒ.පී.පී සමරසිංහ මහතා මාධ්‍යවේදීන්ට කියා සිටියේ 2022 සැප්තැම්බර් මාසයේදී විවෘත කිරීමෙන් පසු මිලියන 1.3 කට අධික නරඹන්නන් පිරිසක් පැමිණ ඇති බවයි.

ස්කයිවෝක් අත්දැකීම 2023 දෙසැම්බර් මාසයේදී විවෘත වන අතර ආපනශාලා සහ ඩිජිටල් කලා කෞතුකාගාරය පිළිවෙලින් දෙසැම්බර් සහ ජනවාරි මාසයේදී විවෘත කරන බව ඔහු පැවසීය.

කෙසේ වෙතත්, ‘රැම්ප්‘ ඉදිකිරීමේදී මුහුණ දීමට සිදුවන අභියෝග හේතුවෙන්‘ බන්ජි පැනීමේ‘ අත්දැකීම තවදුරටත් ප්‍රමාද වනු ඇති බව මේජර් ජෙනරාල්වරයා වැඩිදුරටත් සඳහන් කළේය.