ටුවාලු යනු පහත් බිම් පැසිෆික් රාජ්‍යයකි. එහි මේ වන විට පවතින දේශගුණික විපර්යාස හේතුවෙන් බොහෝ පිරිසක් පීඩාවට පත් වී සිටිති. එයට පිළියමක් වශයෙන් ටුවාලු හී පීඩිත ජනතාවට ඔස්ට්‍රේලියාව තුළ පදිංචි වීමට අවසර ලබා දීමේ නව තීරණයක් ඉදිරිපත් කර ඇත. එය දෙරට අතර තිබූ සමීප ආරක්ෂක සබඳතාවලට අදාළ නව ගිවිසුමක කොටසක් වෙයි.
බොහෝ පැසිෆික් නායකයින් ඕස්ට්‍රේලියාවේ පොසිල ඉන්ධන අංශයට එරෙහිව ශක්තිමත් ක්‍රියාමාර්ගයක් ගන්නා ලෙසට බලපෑම් කරන මොහොතක , ගිවිසුම ටුවාලු මුහුදු මට්ටම ඉහළ යාමට ඇති අවදානම පැහැදිලිව හඳුනා ගනී.
ටුවාලු යනු මධ්‍යම පැසිෆික් සාගරයේ පහත් දූපත් නවයකින් සමන්විත රාජ්‍යයක් වන අතර, එහි ජනගහනය 11,200 ක් පමණ වේ.
ඕස්ට්‍රේලියාව විසින් සෑම වසරකම ටුවාලු හී පුද්ගලයන් 280 දෙනෙකුට ස්ථිර පදිංචිය සඳහා ප්‍රවේශය ලබා දෙනු ඇත. එසේම ඔවුන් ටුවාලු හි පුරවැසියන්ට “ආරක්ෂාවෙන් සහ බියකින් තොරව තම නිවෙස්වල රැඳී සිටීමට” උදව් කිරීමට ද පොරොන්දු වී තිබේ.
ඔස්ට්‍රේලියානු අගමැති Anthony Albanese පැවසුවේ , මෙම ගනුදෙනුව මගින් Tuvalu හි “ආරක්ෂක සහකරු” ලෙස තම රටෙහි තත්ත්වය තහවුරු කරනු ඇති බවත්, එයට යම් ආකාරයක ආරක්ෂක සහතිකයක් ලබා දෙන බවත් ය.
සිකුරාදා ප්‍රකාශයට පත් කරන ලද මෙම නව ගිවිසුම මගින් , ප්‍රධාන ස්වාභාවික විපත්, වසංගත හෝ මිලිටරි ආක්‍රමණ” වලට ප්‍රතිචාර දැක්වීමට ඕස්ට්‍රේලියාව තම සහකරුවෙක් වන ටුවාලු රාජ්‍යට උපකාර කරන බව පවසයි .
මෙම ආරක්ෂක සහතිකය හේතුවෙන්, ටුවාලු රාජ්‍යයට ආරක්ෂාව සහ ආරක්ෂාව සම්බන්ධ කාරණා සම්බන්ධයෙන් වෙනත් ඕනෑම රටක් සමඟ ගනුදෙනුවක් කිරීමට අවශ්‍ය නම් “ඕස්ට්‍රේලියාව සමඟ අන්‍යෝන්‍ය වශයෙන් එකඟ වීමට” අවශ්‍ය වනු ඇත.
මෙම ගිවිසුමට “ආරක්ෂාව, පොලිස් සේවය, දේශසීමා ආරක්ෂාව, සයිබර් ආරක්ෂාව සහ වරාය, විදුලි සංදේශ සහ බලශක්ති යටිතල පහසුකම් ඇතුළු තීරණාත්මක යටිතල පහසුකම්” ගණනාවක් ඇතුළත් වෙයි.
පැසිෆික් දූපත් රටවල් සමඟ චීනය දැඩි ලෙස සමීප සබඳතා පවත්වමින් සිටින මොහොතක මෙවැනි ගනුදෙනුවක් සිදු කිරීම, ඕස්ට්‍රේලියානු රජයට උපායමාර්ගික ජයග්‍රහණයක් වෙතැයි සැලකේ.
චීනය පසුගිය වසරේ සොලමන් දූපත් සමඟ ආරක්ෂක ගිවිසුමක් අත්සන් කිරීම තුළින් ඕස්ට්‍රේලියානු ආරක්ෂක සංස්ථාපිතය කැළඹුණි. එම නිසාම ඕස්ට්‍රේලියාව තම පැසිෆික් අසල්වැසියන් සමඟ වඩාත් ප්‍රබල ලෙස කටයුතු කල යුතු බව දක්වමින් ඇල්බනේස් කම්කරු ආන්ඩුවෙන් ප්‍රතිඥාවක් ලබා දුන්නේය.
ඕස්ට්‍රේලියාව සහ ටුවාලු අතර සබඳතාව ,Falepili Union ලෙස හඳුන්වනු ලබන නව හවුල්කාරිත්වයක් සමග සම්බන්ධ කර කර ඇත. ඇල්බනේස් සහා නව සංගමය එකතුව ටුවාලු මුහුණ දෙන "විශේෂ අභියෝග" , එහි භූගෝලීය දුරස්ථභාවය සහ හිඟ ස්වභාවික සම්පත් ඇතුළු දේශගුණික විපර්යාසවලට නිරාවරණය වීම පිළිබදව හඳුනා ගත් බව පැවසීය.
"ටුවාලු ජනතාවගේ අනාගතය, අනන්‍යතාවය සහ සංස්කෘතිය ආරක්ෂා කිරීම සඳහා" තමාටද උසස් හවුල්කාරිත්වයක් අවශ්‍ය බව ටුවාලූ හී අගමැති පැවසීය.
ටුවාලූ රජයේ ආරංචි මාර්ග පැවසුවේ, සියලුම ටුවාලු වැසියන් ඕස්ට්‍රේලියාවට සංක්‍රමණය වනු ඇතැයි අපේක්ෂා නොකළ අතර, “තොග සංක්‍රමණයක්” ද අපේක්ෂා නොකරන බවයි. ඒ වෙනුවට සංචාරය කිරීමට කැමති අය සඳහා “ගෞරවාන්විතව සංක්‍රමණයක්” පමණක් සිදු වනු ඇති බව පැවසීය.
බහුවිධ ගිවිසුමට අනුව සෑම වසරකම ටුවාලුවානු පුරවැසියන් 280 දෙනෙකුටම ඕස්ට්‍රේලියාවේ ස්ථිර පදිංචිය ලබා ගැනීමට වීසාපත් හිමි වන අතර, එහි දී ජීවත්වීමට, ඉගෙනීමට සහ වැඩ කිරීමට මෙන්ම ප්‍රවේශ සේවා සඳහාද හිමිකම් ලබා දෙයි .
සොලමන් දූපත් මෑත වසරවලදී චීනයට පක්ෂපාතීත්වය මාරු කළද, ටුවාලු යනු පැසිෆික් සාගරයේ තායිවානය සමඟ විධිමත් රාජ්‍ය තාන්ත්‍රික සබඳතා පවත්වන රටවල් කිහිපයන්ගෙන් එකකි.
ටුවාලු රාජ්‍ය තායිවානය සමඟ රාජ්‍ය තාන්ත්‍රික සබඳතා දිගටම පවත්වාගෙන යන බව ටුවාලු අගමැති කෞසියා නටානෝ මාධ්‍ය හමුවේදී ප්‍රකාශ කළේය.
නිවාස සහ අනෙකුත් අත්‍යවශ්‍ය සේවාවන් සඳහා වැඩි ඉඩක් නිර්මාණය කිරීම සඳහා භූමි ප්‍රමාණය 6% කින් පුළුල් කිරීමේ අපේක්ෂාවෙන් සහ “මිනිසුන්ට රැඳී සිටීමට හැකි වන පරිදි, ෆුනාෆුටි අගනුවර ඉඩම් නැවත ලබා ගන්නා Tuvalu වෙරළ අනුවර්තන ව්‍යාපෘතියේ වැඩිදුර සහයෝගීතාව ඕස්ට්‍රේලියාවේ ප්‍රතිඥාවට ඇතුළත් වේ. මුහුදු මට්ටම ඉහළ යාම හමුවේ ටුවාලු හි ජීවත් වීම.
දේශගුණික අර්බුදයක් සහිත පැසිෆික් රටවල් විසින් නව ගල් අඟුරු සහ ගෑස් ව්‍යාපෘති සඳහා ඕස්ට්‍රේලියාවේ ඇති අනුමැතිය ගැන සැලකිලිමත් වෙති.
0 Comments