ගාල්ල නග­රයේ ජන­ප්‍රිය බාලිකා විදු­හ­ලක 10 වසරේ 15 හැවි­රිදි සිසු­වි­යක නීත්‍ය­නු­කුල භාර­කා­ර­ත්ව­යෙන් අප­හ­ර­ණය කරන ලද එම බාලිකා විදු­හල අසල ජන­ප්‍රිය පිරිමි විදු­හ­ලක 10 වසරේ සිසු­වකු සහ අප­හ­ර­ණ­යට ලක්වූ සිසු­වි­යද අධි­ක­ර­ණ­යට ඉදි­රි­පත් කෙරුණු අතර, එම අව­ස්ථාවේ එක් අයකු රුපි­යල් ලක්ෂය බැගින්වු ශරීර ඇප මත මුදා හැරී­ම­ටත් ඇප­කරු මව හෝ පියා විය යුතු බව­ටත් ගාල්ල අති­රේක මහේ­ස්ත්‍රාත් ලක්මිණි විදා­න­ග­මගේ මහ­ත්මිය නියෝග කළාය.

පොලි­සිය අධි­ක­ර­ණ­යට කරුණු වාර්තා කර­මින් කියා සිටියේ මෙම සිසුවා සහ සිසු­විය මෙයට මාස­ය­කට පමණ පෙර ප්‍රේම සම්බ­න්ධ­යක් පව­ත්වා­ගෙන ගොස් ඇති අතර ඉකුත් 15 වන දින ඇය පාසල් යන බව පවසා නිව­සින් පැමිණ පාසලේ ටයි පටිය සහ කොණ්ඩ පටි ගලවා පෙම්වතා සහ ඔහුගේ මිතු­ර­කුද සමඟ අක්මී­මන ප්‍රදේ­ශයේ සිටින ‍ මිතු­ර­කුගේ නිව­සට ගොස් ඇති බවය.

එම අව­ස්ථාවේ අක්මී­මන මිතු­රාගේ මව නිවසේ සිට නොමැති අතර ඔවුන් දෙදෙනා නිවසේ කාම­ර­යක සිටි­යදී මව එන බවට තොර­තු­රක් ලැබී­මෙන් පසු එම නිවසේ මිතුරා තම සොහො­යු­රි­යගේ පාට ගවු­මක් අන්දවා ඇය සහ මිතු­රන් දෙදෙනා නිව­සින් යැවී­මට සූදා­නම් වන­වාත් සමඟ මව පැමිණ තම පුතා­ටත් පැමිණ සිටි සිසු­වි­යට සහ සිසුන් දෙදෙ­නා­ටත් පහ­රදී නිව­සින් එළවා ඇති බවත් පොලි­සිය කියා සිටි­යේය.


ඔවුන් එසේ එමින් සිටි­යදී ගම්වා­සින් විසින් අල්ලා­ගෙන අක්මී­මන පොලි­සි­යට දැන්වී­මෙන් පසු පොලි­සිය පැමිණ ඔවුන් භාර­යට ගෙන මවු­පි­යන් කැඳවා භාරදී ඇති බවත් ඒ වන­විට සිද්ධිය පාසල් දෙකේම විදු­හ­ල්ප­ති­ව­රුන්ට ආරංචි වී තිබූ බවත් පොලි­සිය කියා සිටි­යේය.

සිසු­විය පසු­දින පාස­ලට ගිය අව­ස්ථාවේ නියෝජ්‍ය විදු­හ­ල්ප­ති­නිය ඇයගේ මව සහ ඇයද සමඟ ළමා හා කාන්තා කාර්යාං­ශ­යට පැමිණ පැමි­ණිලි කළ බවද ඒ අනුව සිසු­විය කරා­පි­ටිය රෝහලේ අධි­ක­රණ වෛද්‍ය නිල­ධාරි වෙත ඉදි­රි­පත් කෙරුණු අව­ස්ථාවේ ඇය දූෂ­ණ­යට හෝ ලිංගික අප­යෝ­ජ­න­යට ලක්ව නැති බවට වාර්තා කර ඇති බවත් සිසු­විය මවගේ දෙවන විවා­හයේ දරු­වකු බවත් සිසු­වාගේ පියා විදෙ­ස්ග­තව සිටින බවත් පොලි­සිය වැඩි­දු­ර­ටත් කියා සිටි­යේය.


ඉදි­රි­පත් කළ සියලු කරුණු සැල­කි­ල්ලට ගත් අති­රේක මහේ­ස්ත්‍රා­ත්ව­රිය සිසු­වාට සහ සිසු­වි­යට ශරීර ඇප නියම කර­මින් ඇප­ක­රු­වන් ලෙස මව හෝ පියා අත්සන් කළ යුතු බවට නියෝග කළාය.

ගාල්ල ජ්‍යෙෂ්ඨ පොලිස් අධි­කාර සතිස් ගමගේ මහ­තාගේ උප­දෙස් පරිදි මූල­ස්ථාන පොලිස් පරී­ක්ෂක එස්.එස්. ජය­වීර මහ­තාගේ මෙහෙ­ය­වීම යටතේ ගාල්ල පොලි­සියේ ළමා හා කාන්තා කාර්යාං­ශයේ ස්ථානා­ධි­ප­තිනි පොලිස් පරී­ක්ෂිකා චෞද්රි, පොලිස් පරී­ක්ෂක සිරි­සේන, උප පොලිස් පරී­ක්ෂක නිහාල් මිගෙ­ල්හේවා, කාන්තා කොස්තා­පල් හිමාලි (5122) නෙල්කා (5621) ගිම්හානි (1076) යන මහත්ම මහ­ත්මීන් විසින් පරී­ක්ෂණ පවත්වා අධි­ක­ර­ණ­යට කරුණු වාර්තා කරන ලදී.

එස්. දීය­ග­හගේ