මුහුද යට ගිනි කන්දක් පුපුරා යාමෙන් පසු ජපානයට නව දූපතක්

ජපානයේ  ටෝකියෝවේ සිට කිලෝමීටර් 1200ක් (සැතපුම් 745ක්) දකුණින් මුහුද යට ගිනිකඳු පුපුරා යාමෙන් පසු නව ගොඩබිමක් නිර්මාණය වී ඇත.
එයට  දැනටමත් සුවිශේෂ  ආකර්ෂණයක් ලැබෙමින් පවතී.

විශේෂඥයන් පැවසුවේ බටහිර පැසිෆික් සාගරයේ ඔගසවාරා දූපත් දාමයේ කොටසක් වන අයිවෝටෝ දූපත අසල ඔක්තෝබර් මාසයේ ආරම්භ වූ පිපිරීම් මාලාවකින් පසුව කුඩා දූපත මතු වූ බවයි.
ටෝකියෝ විශ්ව විද්‍යාලයේ භූමිකම්පා පර්යේෂණ ආයතනයේ සහකාර මහාචාර්ය ෆුකාෂි මේනෝ පැවසුවේ මැග්මා ජලය සමඟ අන්තර්ක්‍රියා කිරීමේ ප්‍රතිඵලයක් වන මෙම  ෆ්‍රෙටෝමැග්මැටික් පිපිරීම් - අයිවෝටෝ සිට කිලෝමීටරයක් පමණ දුරින් මීටර් 100 ක් පමණ විශාල භූමි ප්‍රමාණයක් සෑදී ඇති බව ඔහු තහවුරු කළ බවයි.

ජපානයේ Maeno, Kyodo ප්‍රවෘත්ති ඒජන්සිය පැවසුවේ මෙහි පිපිරීම් අතරතුර සෑම මිනිත්තු කිහිපයකට වරක් මීටර් 50 කට වඩා උස දුම් සහ අළු පිහාටු ඉහළ යන බවයි.
මෙම පිපිරීමේ ප්‍රතිපලයක් ලෙස එහි ඇති සමහරක් පාෂාණ වර්ග පවා වෙනස් වර්ණ ගෙන ඇති බව ඔවුන් පවසා ඇත.
අයිවෝටෝ දූපත මීට පෙර Iwo Jima ලෙස හැඳින්වූ නමුත් එය නැවත ජපන් බලධාරීන් විසින්   2007 දී අයිවෝටෝ නමින් නම් කරන ලදී.
මෙම ප්‍රදේශය මෙවැනි සිදුවීම් වලට ප්‍රසිද්ධය. ජපානයේ කාලගුණ විද්‍යා ඒජන්සිය පැවසුවේ පසුගිය වසරේ ජූලි සහ දෙසැම්බර් අතර සහ මේ වසරේ ජුනි මාසවල ඉවෝටෝ අසල මෙවැනි පිපිරීම් නිරීක්ෂණය වී ඇති බවයි.
Maeno පුවත් සේවය පැවසුවේ පිපිරීම් දිගටම පැවතුනහොත් නව දූපත විශාල වී හැඩය වෙනස් විය හැකි නමුත් එය රළ පහරට යටින් අතුරුදහන් විය හැකිය යනුවෙනුයි.1904, 1914 සහ 1986 යන වර්ෂවල ප්‍රදේශයේ සමාන ආකාරයෙන් නිර්මාණය වූ දූපත් සියල්ලම ඛාදනය නිසා අතුරුදහන් විය.

අළු සහ පාෂාණ කොටස් වලින් සැදී ඇති නව දූපත් රැළි මගින් නිරන්තර  ඔරොත්තු දීමට සැකසුනත් අඛණ්ඩ ගිනිකඳු ක්‍රියාකාරකම් හේතුවෙන් ලාවා ප්‍රවාහයන් නිපදවී  අවසානයේ වඩාත් දෘඩ හා කල් පවතින මතුපිටක් සාදනු ලැබේ.
මෙම වසර මුලදී, භූගෝල විද්‍යාඥයින් පැවසුවේ, ප්‍රධාන දූපත් හතරක් සහ ඊට වඩා කුඩා සහ වැඩි වශයෙන් ජනාවාස නොවූ 6,000ක් පමණ අයත් යැයි කලින් සිතූ ජපන් දූපත් සමූහය ඇත්ත වශයෙන්ම දෙගුණයකින් සමන්විත වූ බවයි. ඩිජිටල් සිතියම්කරණ තාක්ෂණය භාවිතා කරමින්, ජපානයේ භූගෝලීය තොරතුරු අධිකාරිය පැවසුවේ, කලින් සිතුවාට වඩා 7,273 ක් - දූපත් 14,125 ක් හඳුනාගෙන ඇති බවයි.
කෙසේනමුත් දුපත් ඇතිවීම,නැතිවීම ජපානයට අහබුවක් නොවේ.ඊට හොදම උදාහරණයක් වන්නේ 2018 දී හොක්කයිඩෝ වෙරළට මීටර් 500ක් ඔබ්බෙන් පිහිටි Esanbe Hanakita Kojima, නොදැනුවත්වම රළ පහරට යටින් නොපෙනී යාමයි.