protest-week

ඉල්ලීම් කිහිපයක් මුල් කර ගනිමින් අද (30දා) සෞඛ්‍ය සේවකයන්, තැපැල් සේවකයන් හා ගුරු විදුහල්පතිවරුන් විරෝධතා ව්‍යාපාර පැවැත් වීමට කටයුතු කරන බව වෘත්තිය සමිති නායකයෝ සදහන් කරති.



මීට අමතරව රාජ්‍ය බැංකු කොටස් විකුණා දැමීමට අදාළ සැලසුම් අවලංගු කරන ලෙස ඉල්ලා ලබන මස 02වැනි දින සිට ලංකා බැංකු සේවක සංගමය පළාත් මූලික කර ගනිමින් විරෝධතා රැලි පැවැත් වීමට සැලසුම් කර තිබෙන අතර පළමු විරෝධතා රැලිය මේ මස 02වැනි දින කොළඹදී පැවැත්වේ.



ගුරු, විදුහල්පතිවරුන්ට ඇතිවී තිබෙන ගැටලු විසදන ලෙසත්, පාසල් උපකරණවල මිල අඩු කරන ලෙසත් ඉල්ලා අද සවස 2.00ට බස්නාහිර පළාත හැර අනෙකුත් පළාත්වල ගුරුවරුන් කාලාප කාර්යාල මට්මින් විරෝධතා පැවැත් වීමට සැලසුම් කර තිබේ.

බස්නාහිර පළාත් විරෝධතාව ලබන මස 05වැනි දින පාරිලිමේන්තුව ආසන්නයේදී පැවැත් වීමට සැලසුම් කර තිබෙන බවද ලංකා ගුරු සංගමයේ ලේකම් ජෝසප් ස්ටාලින් මහතා සඳහන් කළේය.



 තැපැල් දෙපාර්තමේන්තු දේපල විකිණීම නවතා දමා, තැපැල් සේවකයෙන්ට ඇතිවී තිබෙන ගැටලු විසදන ලෙස ඉල්ලා අද දහවල් 12.00ට දිවයින පුරා තැපැල් කාර්යාල ඉදිරිපිට විරෝධතා ව්‍යාපාර පැවැත් වෙන අතර සෞඛ්‍ය සේවාවෙහි ඇතිවී තිබෙන ගැටලු විසඳන ලෙස ඉල්ලා ප්‍රධාන රෝහල් 08ක් ඉදිරිපිට දහවල් 12.00ට විරෝධතා පැවැත් වේ.

ඉන්දික හේවාවිතාරණ