සූක්ෂ්ම උපකරණයක් භාවිතා කරමින් පොකට් ගහන පුද්ගලයකු අත්අඩංගුවට ගැනීමට පානදුර දකුණ පොලිසිය සමත්ව ඇත. දුම්රියන්වල ගමන් කරන සැක කටයුතු පුද්ගලයන් පරීක්ෂා පරීක්ෂා කිරීමේදී සැකකරු අත්අඩංගුවට ගෙන තිබේ. දකුණු අතේ දබර ඇගිල්ලේ නූලකින් රඳවාගෙන සිටී සූක්ෂ්ම උපකරණය ද සොයාගෙන ඇති අතර ,
එහි විවිධ වර්ගයේ තියුණු තල තුනක් සවිකර තිබූ බව ද පොලිසිය සඳහන් කියයි. එම උපකරණය භාවිතා කරමින් සැක නොසිතෙන ආකාරයට මුදල් පසුම්බි, කාන්තා අත් බෑග් සහ ගමන් මළු වල තිබූ මුදල් ඇතුළු වටිනා දෑ සොරකම් කර ඇති බවට සැකකරුගේ ප්‍රකාශවලින් හෙළිව ඇති බවත් පොලිසිය කීය. සැකකරු පානදුර මහේස්ත්‍රාත් අධිකරණයට ඉදිරිපත් කිරීමට නියමිතව තිබූණි. ජේෂ්ඨ පොලිස් අධිකාරී සමන්ත වෙදගේ, සහකාර පොලිස් අධිකාරී නිශාන්ත සේනාරත්න යන මහත්වරුන්ගේ උපදෙස් පරිදි මූලස්ථාන පොලිස් පරීක්ෂක උපුල් ප්‍රියංකර මහතාගේ මෙහෙයවීමෙන් අපරාධ අංශ ස්ථානාධිපති උප පොලිස් පරීක්ෂක හේමාල් වීරසිංහ මහතාගේ ප්‍රධානත්වයෙන් කළ දුම්රිය මැදිරි පරීක්ෂාවකදී සැකකරු අත්අඩංගුවට පත්ව ඇත.
පොතුපිටිය සුමිත් ප්‍රේමතිලක
0 Comments