ICC ලෝක කුසලාන කුසලානය මත විවේකීව පාද තබාගෙන ඡායාරූප ගත් ඕස්ට්‍රේලියානු තුන් ඉරියව් ක්‍රීඩක මිචෙල් මාෂ් ගැන බොලිවුඩ් නිළි උර්වශි රවුටෙලා සිය කෝපය ප්‍රකාශ කර තිබේ. උර්වශි රවුටෙලාගේ මෙම ආවේගාත්ම ප්‍රතිචාරය වැදගත් වන්නේ ඇය ලෝක කුසලානය ප්‍රවර්ධනය පිණිස සම්බන්ධවූ නිළියක වීම නිසාය. තරගාවලිය ආරම්භයට පෙර වකවානුවේ කුසලානය ලොව වටා රැගෙන යද්දී ප්‍රංශයේ අයිෆල් කුළුණේ දී ක්‍රිකට් ලෝක කුසලාන කුසලානය එළිදැක්වීමේ අවස්ථාවට එක්වූයේ ඇයයි.
එම ගෞරවය හිමි වූ උර්වශි, කීර්තිමත් කුසලානයට මිචෙල් මාෂ් කරන්නේ අගෞරවනීය ක්‍රියාවක් ලෙස හඳුන්වාදී ඇත.
මාෂ්ව ඇමතීමේදී ඇගේ වචන බරපතල විය.
ඕස්ට්‍රේලියානු ක්‍රීඩකයා ලෝක කුසලාන කුසලානය මත තම පාද තැබීම ගැන ඇය සිය කෝපය හා අසතුට පළ කළාය.
අහමදාබාද්හිදී පැවැති අවසන් මහා තරගයේදී ඉන්දියාවට එරෙහිව ඕස්ට්‍රේලියානුවන් විශිෂ්ට ජයග්‍රහණයක් ලැබීමෙන් පසුව මෙම පින්තූරය ප්‍රසිද්ධියට පත් විය.
ඉන්දීය මාධ්‍ය තුළ ඕස්ට්‍රෙලියානුවන් හෙළාදකිමින් මෙම ඡායාරූපය පතල විය.
උර්වසීගේ දරුණු පෝස්ටුවෙන්, ලෝක කුසලානය සඳහා වැඩි ගෞරවයක් ප්‍රදර්ශනය කරන ලෙස ඇය මාෂ්ගෙන් ඉල්ලා සිටි අතර,
"කූල්" ලෙස පෙනී සිටීමට ඔහු දැරූ උත්සාහය මඟ හැරී ඇති බවක්ද අවධාරණය කළාය.
නිළිය ඇගේ අදහස ගෙන ඒම සඳහා පින්තූර තුනක එකතුවක් බෙදා ගත්තාය. ඉන්දියාවේ 1983 ලෝක කුසලාන ජයග්‍රහණයෙන් පසු ප්‍රථම වරට නිරූපිත ජනප්‍රිය ක්‍රිකට් ක්‍රීඩක කපිල් දේව් කුසලානය ජයග්‍රාහී ලෙස හිස මත ඔසවන අයුරු එකක දැක්විණි.
දෙවැන්න පාපන්දු සුපිරි ක්‍රීඩක ලයනල් මෙසී, 2022 FIFA ලෝක කුසලානය සමඟ සාමකාමීව ආර්ජන්ටිනාවට ගෞරවය ලබා දුන් අයුරු හා තුන්වැන්න පැරිසියේ කුසලානය මත හාදුවක් තබතමාගේ රුව උර්වශි එහි දැක්වූවාය.
0 Comments