යාපනය අර්ධද්විපයේ චාවකච්චේරි ප්රදේශයේ කුඹුරු කිහිපයක White Back Plant Hopper නමැති කෘමියකුගේ හානියක් පැතිර ගොස් ඇත.
මේ කෘමිහානිය වාර්තා වූ සැණින් එය මර්දනයට විශේෂඥ දැනුමක් සහිත නිලධාරීන් පිරිසක් ඒ ප්රදේශයට යොමු කරන ලෙස කෘෂිකර්ම හා වැවිලි කර්මාන්ත ඇමැති මහින්ද අමරවීර මහතා කෘෂිකර්ම දෙපාර්තමේන්තුවේ අධ්යක්ෂ ජනරාල් මාලතී පරසුරාමන් මහත්මියට උපදෙස් දී තිබේ.
ඒ අනුව මේ වන විට එම කෘෂිකර්ම දෙපාර්තමේන්තුවේ නිලධාරි කණ්ඩායම චාවකච්චේරියට ගොස් අදාළ කෘමි මර්දනය සඳහා වූ කටයුතු අරඹා තිබේ.
මේ කෘමිහානිය මර්දනය සඳහා Curbix සහ Ethiprole 100 gr/ ISC නමැති කෘමිනාශක දෙක කෘෂිකර්ම දෙපාර්මේන්තුව නිර්දේශ කර ඇත. මේ කෘමිනාශක එම ප්රදේශයේ ගොවීන්ට නිදහස් කිරීමට අවශ්ය පියවර ද ගෙන ඇත.
මේ කෘමීන් කුඹුරුවල ගොයම ආශ්රිතව නිරීක්ෂණය වන්නේ නම් මේ කෘමිනාශක භාවිතෙ කරන ලෙසත්, වැඩි දුර උපදෙස් සඳහා ඒ ඒ ප්රදේශවල සිටින කෘෂිකර්ම උපදේශකවරුන් හමු වී අවශ්ය උපදෙස් ගන්නා ලෙසත් කෘෂිකර්ම දෙපාර්තමේන්තුව ගොවි ජනතාවගෙන් ඉල්ලා සිටී.
0 Comments