'සිතින් විතරක් පෙම් කරන්නම්' ඇතුළු හදබැඳි ගී ගැයූ ජනප්‍රිය ගායන ශිල්පි චාමර වීරසිංහ මේ වන විට කළුබෝවිල රෝහලේ දැඩි සත්කාර ඒකකයට ඇතුළත් කර තිබේ. රෝහල් ආරංචි පවසන්නේ ඔහු මීට දින කිහිපයකට පෙර රෝහල්ගතවූ බවත් අද (20) දින සාමාන්‍ය වාට්ටුවෙන් දැඩි සත්කාර ඒකකයට මාරු කරන්නට සිදුවූ බවත්ය. ඔහුට පවතින්නේ ශ්වසන අපහසුතාවක් බවට ආරංචි පවතින අතර ඊට වැඩි යමක් රෝගය ගැන විස්තර කර නැත.
42 හැවිරිදි චාමර වීරසිංහ මහතා දෙසැම්බර් මුල් සතියේ පැවති ප්‍රසංගයකදීද අසනීප තත්වයන් පෙන්නුම කර තිබූ අතර ඔහුගේ ෆේස්බුක් ගිණුමේ දෙසැම්බර් 18 සටහනක් තබමින් ඉදිරි ප්‍රසංග අවලංගු කර ඇති බව දන්වා තිබුණි.
ජනප්‍රිය ගායකයාගේ අසනීප තත්වය ආරංචි වී සුවදුක් බැලීමට කළුබෝවිල රෝහල අවට පිරිස් රැස්ව ඇතැයිද අද (20) සන්ධ්‍යා කාලයේ වාර්තාවූ අතර රෝහල් අධ්‍යක්ෂිකාව මහජනතාවගෙන් විශේෂ ඉල්ලීමක් කරමින් එලෙස එක්රැස් නොවන ලෙසත් රෝගියාට උපරිම සත්කාර කරන්නට තමන්ගේ කණ්ඩායම කටයුතු කරමින් සිටින බවත් නිවේදනය කර තිබේ.
0 Comments