කාලයක් තිස්සේ දේවාලයක් පවත්වන මුවාවෙන් අයිස් බෙදූ කපුවකු දින 08ක් තිස්සේ රඳවාගෙන ප්‍රශ්න කිරීමට බලපිටිය මහේස්ත්‍රාත් අධිකරණයෙන් බටපොළ පොලිසියට අවසර ලබාදී තිබේ.
දේවාලයක් පවත්වාගෙන යන කපුවකු දේවාරූඪයෙන් මත්ද්‍රව්‍ය අලෙවිකරණය සිදුකරන බවට බටපොළ පොලිසියට ලද තොරතුරකට අනුව බටපොළ නවගමුව ප්‍රදේශයේ කළ වැටලීමකදී කපුවා අත්අඩංගුවට ගෙන ඇත. පොලිසිය පැවසුවේ සැකකරු ඉතා සූක්ෂම අයුරින් කලක සිට මෙම ජාවාරම කරගෙන ගොස් ඇති බවයි.
සැකකරු බලපිටිය මහේස්ත්‍රාත් අධිකරණය හමුවට ඉදිරිපත් කිරීමෙන් අනතුරුව රැඳවුම් නියෝග යටතේ රඳවාගෙන විමර්ශන කිරීමට බටපොළ පොලිසියට බලපිටිය මහේස්ත්‍රාත් හංසදේව සමරදිවාකර මහතා අවසර ලබා දී ඇත.
බටපොළ පොලිසියේ ස්ථානාධිපති පොලිස් පරීක්ෂක ජනක සම්පත් මහතාගේ මෙහෙයවීම මත උප පොලිස් පරීක්ෂක රණතුංග, සැරයන්වරුන් වන වීරසේකර (35240), හේරත් (38815) සහ පොලිස් කොස්තාපල්වරුන් වන සිල්වා (20292), මදුමාල් (20180) යන නිලධාරීන් විසින් මෙම වැටලීම සිදුකර ඇත.
කරන්දෙණිය අනුරාධ ප්‍රියදර්ශන
0 Comments