රාජ්‍ය ව්‍යවසායන් ප්‍රතිව්‍යුහගත කිරීම සඳහා නව නීතියක් රජය මඟින් කෙටුම්පත් කර තිබේ. එම කෙටුම්පත් නීති සම්පාදක වෙත සහ අමාත්‍ය මණ්ඩලය වෙත ඉදිරිපත් කර අනුමැතිය ලබාගැනීමෙන් අනතුරුව ලබන වසරේ මුල් කාර්තුවේදී පාර්ලිමේන්තුවට ඉදිරිපත් කර සම්මත කර ගැනීමට නියමිතය.
මේ වන විට රාජ්‍ය ව්‍යවසාය ප්‍රතිසංස්කරණ ඒකකය විසින් රාජ්‍ය ව්‍යවසාය ආයතන 130ක් පමණ ඇති බවට හඳුනාගෙන ඇති අතර ඉන් ආයතන 15ක් ඈවර කර වසා දැමිය හැකි බවට හඳුනාගෙන ඇතැයි රාජ්‍ය ව්‍යවසාය ප්‍රතිව්‍යුහගත කිරීමේ ඒකකයේ අධ්‍යක්ෂ ජනරාල් සුරේෂ් ෂා ප්‍රකාශ කළේය. සෙසු ආයතන 115 න් 85කට පමණ රාජ්‍ය පාලනයක් අවශ්‍ය නැති බව පෙනී යන නිසා ඒවා ඉදිරියේදී ප්‍රතිව්‍යුහගත කිරීමට නියමිත බවද හෙතෙම පෙන්වා දුන්නේය.
0 Comments