උඩප්පුව පුනවිටිය ප්‍රදේශයේ නිවෙසක තිබූ රුපියල් ලක්ෂ 70කට ආසන්න රන් හා මුදල් තොගයක් ඊයේ (25) අලුයම නිවැසියන් නොමැති අවස්ථාවේ දී සොරා ගෙන ඇති බව උඩප්පුව පොලිසිය පවසයි.
උඩප්පුව පුනපිටිය ප්‍රදේශයේ කෝටිපති පොල් හා ඉස්සන් ගොවිපොළ අයත් ව්‍යාපාරිකයකුගේ නිවෙසක් සොරුන් විසින් මෙසේ කොල්ල කා ඇති බව පවසයි. අදාළ කෝටිපති ව්‍යාපාරිකයා තම බිරිය හා දරුවන් සමඟ පුනවිටිය ජේසු බිළින්දා දේවස්ථානයේ පෙරේදා (24) මධ්‍යම රාත්‍රී පැවති
නත්තල් දේව මෙහෙයට ගොස් ආපසු ඊයේ (25) අලුයම නිවෙසට පැමිණෙන විට නිවෙසේ තිබූ රන් හා මුදල් කොල්ල කා ඇති බවට තහවුරු වීමෙන් පසු පොලිසියට පැමිණිලි කර ඇති බව පවසයි.
අදාළ කෝටිපති ව්‍යාපාරිකයාගේ නිවෙසේ ජනේලයක් කඩා නිවෙසට ඇතුළු වී ඇති බව මූලික පොලිස් පරීක්ෂණවලදී තහවුරු වී ඇති අතර අදාළ සොරකම පිළිබඳව උඩප්පුව පොලිස් ස්ථානයේ වැඩ බලන පොලිස් ස්ථානාධිපති ප්‍රධාන පොලිස් පරීක්ෂක
ධම්මික කුලතුංග මහතා ඇතුළු නිලධාරීහු පරීක්ෂණ ආරම්භ කර තිබේ. අදාළ සොරකම සම්බන්ධව පොලිස් සුනඛ ඒකක හා පොලිස් ස්ථානීය පරීක්ෂණ නිලධාරීන් යොදවා පරික්ෂණ ආරම්භ කිරීමට නියමිතව තිබුණි.
පුත්තලම - හිරාන් ප්‍රියංකර ජයසිංහ - ක්‍රිස්පිල් බෙනඩික් ප්‍රනාන්දු
0 Comments