ජ්‍යෙෂ්ඨ රංග­න­වේ­දිනි උදුලා දාබරේ අව­සන් ගමන් යයි

ජ්‍යෙෂ්ඨ සිනමා නිළි­යක වූ උදුලා දාබරේ මහ­ත්මිය (අවු. 87) ඊයේ (26) අභා­ව­ප්‍රාප්ත වූවාය.

‘කැලෑ හඳ’ චිත්‍ර­ප­ටයේ සුළු චරි­ත­ය­කින් සිංහල සින­මා­වට පිවිසි ඇය කුඩා කල කරු­ණා­රත්න අබේ­සේ­ක­ර­යන්ගේ ‘ළමා පිටියේ’ විවිධ වැඩ­ස­ට­හ­න්ව­ලට සහ­භාගි වී ඇත. ‘කරු අයි­යාගේ’ යොමු කිරී­මෙන් 1954දී ‘වරද කාගෙද’ චිත්‍ර­ප­ටයේ විකට චරි­ත­යක් රඟ­මින් ජන­ප්‍රි­ය­ත්ව­යට වූ ඇය රදළ පිළි­රුව, දුප්ප­තාගේ දුක, දස්කම, ගැහැනු ගැට,නළ­ඟන, පිරි­මි­යෙක් නිසා, සුවි­නීත ලාලනී, දරුවා කාගෙද, සීගිරි කාශ්‍යප, සූර­ය­න්ගෙත් සූරයා ආදි චිත්‍ර­ප­ට­වල කැපී­පෙ­නෙන චරි­ත­ව­ලට පණ පෙවු­වාය.

මිය­යන තුරුම අවි­වා­හ­කව සිටි ඇය රන් දිය දහර (2004), රෝස කැලේ (2008) හා මධුර චාරිකා (2018) චිත්‍ර­ප­ට­වල විය­පත් චරිත නිරූ­ප­ණය කළාය.

ඇයගේ රංගන කුස­ල­තාව අගයා 1997දී රජත ජයන්ති සම්මාන උලෙ­ළේදී ‘නම­ස්කාර පූජා’, 2005දී ජනා­ධි­පති සිනමා සම්මාන උළෙ­ලේදී ‘පුරෝ­ගාමි’, 2014දී ‘සුවඳ පද්ම’ සම්මා­න­ව­ලින් පිදුම් ලැබු­වාය.

ඇයගේ දේහය මේ වන විට පොල්ග­ස්ඕ­විට, කිරි­ග­ම්ප­මු­ණුව, ගෝල්ඩන් මෙඩෝව්ස් නිවාස සංකී­ර්ණයේ 32/ 97 දරන ස්ථානයේ තැන්පත් කර ඇති අතර, අව­සන් කට­යුතු අද සවස 4.00ට මත්තේ­ගොඩ පොදු සුසාන භූමි­යේදී සිදු කිරී­මට නිය­මි­තය.