පාසලක ගෘහ විද්‍යා පාඩමකට අදාළව සකස් කරන ලද බව කියන ආහාරයක් අනුභව කිරීමෙන් පසු අසාත්මිකතාවකට පත් වූ පාසල් සිසු සිසුවියෝ 12 දෙනෙක් සිකුරාදා (8) දහවල් මීරිගම මූලික රෝහලට ඇතුළත් කරන ලදැයි වාර්තාවේ. මෙසේ රෝගාතුර වී ඇත්තේ වේවැල්දෙණිය පාසලක සිසුවියන් පිරිසකි.
පාසලේ ගෘහ විද්‍යා පාඩම අනුව නියමිත කාල පරිච්ඡේදයේදී සකස් කළ ආහාරයක් අනුභව කිරීමෙන් අනතුරුව සිසු පිරිසගේ සිරුරු කැසීමට පටන් ගෙනඇතැයි වාර්තාවූ අතර ඒ සමඟ කඩිනමින් ඔවුන් රෝහල්ගත කිරීමට පාසල් බලධාරීන් පියව ගෙන තිබේ.
මීරිගම රෝහලේ බාහිර ප්‍රතිකාර ඒකකයේදී මූලික ප්‍රතිකාර දීමෙන් පසු සිසු පිරිස වාට්ටුවකට ඇතුළත් කළ බවත්, ඔවුන්ගේ තත්ත්වය බරපතළ නොවන බවත් රෝහල් ප්‍රකාශිකාවක් සඳහන් කළාය.
0 Comments