මව මරා සූට්කේසයක දැමූ දියණියට වසර 26ක සිරදඩුවමක්

2014 වසරේ ඉන්දුනීසියාවේ බාලි හි නිවාඩුවක් ගත කරමින් සිටියදී තම මව ඝාතනය කර ඇගේ සිරුර ගමන් මල්ලක දැමූ ඇමෙරිකානු කාන්තාවකට වසර 26ක සිර දඬුවමක් නියම කර තිබේ.

Heather Mack නම් ඇය 2015 වසරේ ඉන්දුනීසියාවේදී වරදකරු වී වසර 10 ක සිර දඬුවමකට යටත් වූ නමුත් 2021 දී නිදහස් කරන ලදී.

පසුව ඇය එක්සත් ජනපදයට පැමිණීමෙන් පසු අත්අඩංගුවට ගත් අතර, එක්සත් ජනපද ජාතිකයෙකු ඝාතනය කිරීමට කුමන්ත්‍රණය කළ බවට එහි දී ඇයට චෝදනා එල්ල විය.

Mack පසුගිය වසර දෙක චිකාගෝ සිරකඳවුරක ගත කර ඇත්තේ , දඬුවම් බලාපොරොත්තුවෙනි.

28 හැවිරිදි Mack ට ඇය මෙතෙක් සිරගතව සිටි කාලය සඳහා යහපත් හැසිරීමේ ගෞරවය හිමිවන බවට විනිසුරු මැතිව් කෙනලි තීරණය කළ අතර, එමනිසා ඇයගේ විධිමත් සිර දඬුවම වසර 23 කට පමණ අඩු කළේය.

එවකට ඇගේ පෙම්වතා වූ Tommy Schaefer සමඟ එක්ව , ඇගේ ධනවත් මව  වන Sheila von Wiese-Mack ඝාතනය කිරීමට කුමන්ත්‍රණය කළ Mack ට වසර 28ක සිර දඬුවමක් අභිචෝදකයින් විසින් නිර්දේශ කර තිබුණි.

මෙම යුවල  ඩොලර් මිලියන 1.5 ක භාර අරමුදලක් ලබා ගැනීම සදහා මෙම ඝාතනය කළ බව වාර්තා වේ.

මිනීමැරුම සිදු වන විට ගැබිනියක් ව සිටි 18 හැවිරිදි Mack මහත්මිය,  ඇගේ මවගේ මුඛය වසා සිටි අතර  Schaefer   මහතා පලතුරු බඳුනකින් ඇගේ හිසට පහර දුන් බව පැමිණිලිකරුවන් චෝදනා කළහ. පසුව මළ සිරුර සූට්කේස් එකක දමා තිබියදී සොයා ගන්නා ලදී.

හෝටලයේදී සිදු වූ Wiese-Mack  ඝාතනයෙන් පසු, Mack මහත්මිය සහ  Schaefer   මහතා ඇගේ දේහය සහිත ගමන් මල්ල කුලී රථයක දමා ගිය බව නඩු පවරන්නන් පැවසීය. පසුව රියදුරු ද මේ බව පොලිසියට දැනුම් දී ඇත.

ඝාතනයෙන් පසුව මෙම යුවළ බාලි හි වෙනත් හෝටලයක නවාතැන් ගෙන සිටින බව සොයා ගන්නා ලදී.

දඬුවම් නියම කිරීමේදී, Mack මෙම අපරාධය කිරීම සම්බන්ධයෙන් පසුතැවිලි වී නොමැති බවට තර්ක කරමින්, Wiese-Mack ගේ සහෝදරයා වන Bill Wiese අධිකරණයට පැවසුවේ ,  හැකි උපරිම දඬුවම නියම කරන ලෙසයි.

එක්සත් ජනපද අධිචෝදනා පත්‍රයේ  නම් කර ඇති  Schaefer   මහතා ඉන්දුනීසියාවේ සිරගතව සිටී.