මං ජනපති වුණාම ජනපති ආරක්ෂකයින් ගෝල්ෆේස් ගෙන්නල විසුරවනවා - අනුර කුමාර

අනාගත NPP රජයක් යටතේ දේශපාලනඥයින්ගේ මහජන මුදල් අවභාවිතය නවත්වන බව NPP නායක අනුර කුමාර දිසානායක මහතා ඊයේ පැවසීය.
හම්බන්තොට දිස්ත්‍රික් කාන්තා සම්මේලනය අමතමින් ඔහු කියා සිටියේ මහජන මුදල් සතයක්වත් අයථා ලෙස පරිහරණය කිරීමට හෝ කොල්ලකෑමට කටයුතු නොකරන බවයි.

ජනාධිපතිවරයාට පවතින විශාල ආරක්ෂාව සහ ඔහ භාවිතා කරන මිල අධික වාහන තොගය විසුරුවා හැර ජනතාවට ආදර්ශයක් දෙන බවයි.

“ජනාධිපතිතුමාගේ ආරක්ෂාවට හමුදා සහ පොලිස් කණ්ඩායම් දහස් ගණනක් යොදවා තිබෙනවා. ග්‍රාමීය මට්ටමේ පොලිස් ස්ථානවල සිටින්නේ පොලිස් නිලධාරීන් 10 දෙනකු පමණි. අපි ජනාධිපතිතුමාගේ ආරක්‍ෂාව ගාලු මුවදොරට ගෙනැල්ලා විසුරුවා හැර ගම්වල පොලිස් ස්ථානවලට යවනවා. ජනාධිපතිතුමා ඇතුළු දේශපාලනඥයන් පාවිච්චි කරන්නේ ලීටරයකට කිලෝමීටර් දෙක තුනක් දුවන මිල අධික වාහන. එවැනි මිල අධික වාහන භාවිතය අපි නවත්වනවා.

රටේ ඉදිකිරීම් කටයුතුවල සහ සංවර්ධනයේ විනිවිදභාවය අපි සහතික කරනවා. අපි ජනතාවට ආදර්ශයක් දෙනවා, ඒ අයටත් අනුගමනය කරන්න, ඉදිරියට ඇවිත් රට වෙනුවෙන් තමන්ගේ යුතුකම ඉටු කරන්න පුළුවන්” යැයි පැවසීය.

ඉදිරි මැතිවරණය දේශපාලන පක්ෂයකට ඡන්දය දී ආණ්ඩුවක් පිහිටුවීමේ තවත් මැතිවරණයක් නොවන බවත් එය දූෂිත හා විනාශකාරී පාලකයන්ගෙන් රට මුදා ගැනීමේ අරගලයක් බවත් දිසානායක මහතා පැවසීය.
“අපි සුදු ජාතිකයන්ගෙන් රට බේරා ගත්තා සේම එය නිදහස් සටනක් වනු ඇත,” ඔහු පැවසීය.
බලය ලබා ගැනීම NPP සඳහා වන අරගලයේ අවසානය නොවන බවත් එය රට ගොඩනැගීමේ අරගලයේ ආරම්භය බවත් ඔහු පැවසීය.