අවලෝකිතේශ්වර බෝධිසත්ව යැයි කියා ගන්නා පුද්ගලයකු සම්බන්ධයෙන් සමාජ මාධ්‍යයන් හි සැරිසරන වීඩියෝවක් සම්බන්ධයෙන් විමර්ශනයක් පවත්වන ලෙස ඉල්ලමින් බෞද්ධ තොරතුරු කේන්ද්‍රයේ අගුලුගල්ලේ සිරි ජිනානන්ද හිමි විසින් අපරාධ පරීක්ෂණ දෙපාර්තමේන්තුවට පැමිණිල්ලක් ඊයේ (09) ඉදිරිපත් කරනු ලැබුවේය.
මෙම පුද්ගලයා පසුගිය 01 වෙනිදා විදේශගතව සිට පැමිණීමෙන් පසු නොයෙක් ස්ථානවලට යමින් බුදු සසුනට අපහාස වන ලෙස හැසිරෙමින් ජනතාව සමඟ කටයුතු කරමින් ඔවුන්ගේ වන්දනාවට ලක් වන බවට මාධ්‍යයන්ගේ සැරිසරන වීඩියෝවක් සම්බන්ධයෙන් විමර්ශන පවත්වන ලෙස ඉල්ලමින් උන්වහන්සේ අපරාධ පරීක්ෂණ දෙපාර්තමේන්තුවට මෙලෙස පැමිණිලි කොට තිබේ. ඒ සම්බන්ධයෙන් අපරාධ පරීක්ෂණ දෙපාර්තමේන්තුවේ පරිගණක අපරාධ අංශයේ ආගමික පැමිණිලි අංශය හරහා පරීක්ෂාවට ලක් කොට නීතිය ක්‍රියාත්මක කිරීමටත්, අධිකරණ නියෝගයක් හරහා මොහුගේ මෙම බුදු දහමට නිගාවන හැසිරීම් නවත්වන ලෙසත් ඔහුගේ මානසික තත්ත්වයන් පරීක්ෂා කරන ලෙසත් ඉල්ලමින් උන්වහන්සේ මෙම පැමිණිල්ල ඉදිරිපත් කොට තිබේ.
0 Comments