නයිජීරියාව විසින් අත්අඩංගුවට ගත් නයිරා බිලියන 9.9 (ඩොලර් මිලියන 11.2) කට අධික වටිනාකමකින් යුත් ඇත් දළ ටොන් 2.5 ක් අඟහරුවාදා දිනයේ දී විනාශ කළේ, රට තුළ ක්‍රමක්‍රමයෙන් අඩුවෙමින් පවතින අලි ගහනය ජාවාරම්කරුවන්ගෙන් ආරක්ෂා කර ගැනීම සඳහා ය.
පසුගිය දශක තුන තුළ නයිජීරියාවේ අලි ගහනය, ඇස්තමේන්තු කර ඇති 1,500 සිට 400 ටත් වඩා අඩු වී ඇත්තේ , ඇත්දළ සඳහා දඩයම් කිරීම, වාසස්ථාන අහිමි වීම සහ අලි-මිනිස් ගැටුම හේතුවෙන් බව සංරක්ෂණවේදීන් පවසයි.
පරිසර රාජ්‍ය අමාත්‍ය Iziaq Salako පැවසුවේ , රජය මෙම ඇත් දළ තලා, එම කුඩු යොදා ගනිමින් පරිසර පද්ධතිය තුළ අලි ඇතුන්ගේ වැදගත්කම සිහිපත් කර සංකේතාත්මක ජාතික වනෝද්‍යාන ස්මාරකයක් ඉදිකිරීමට කටයුතු කරන බවයි.
අබුජා අගනුවරදී ඇත් දළ කුඩු කිරීමේ ක්‍රියාවලිය පැමිණෙන්නේ, අත්අඩංගුවට ගත් ඩොලර් මිලියන 1.4 ක් වටිනා කබල්ලෑ කොරපොතු ටොන් හතරක් නිලධාරීන් විසින් ඔක්තෝම්බර් මාසයේදී විනාශ කිරීමෙන් පසුවයි .
වඳවීමේ තර්ජනයට ලක්ව ඇති වන සත්ත්ව හා වෘක්ෂලතා පිළිබඳ ජාත්‍යන්තර වෙළඳාම පිළිබඳ සම්මුතිය (CITES) මගින් 1989 දී ඇත්දළ වෙළඳාම තහනම් කර තිබියදීත්, දළ ලබා ගැනීම සඳහා අලි ඇතුන් දහස් ගණනක් සෑම වසරකම මරා දමනු ලැබේ.
නීතිය ක්‍රියාත්මක කරන සහ වනජීවී විශේෂඥයින් පවසන පරිදි , නයිජීරියාව CITES වෙත අත්සන් කර තිබියදීත්, මෙම රට සැලකෙන්නේ ඇත් දළ සහ කබල්ලෑ කොරපොතු ඇතුළු නීතිවිරෝධී අප්‍රිකානු වනජීවී කොටස් ආසියාවට යවන කල්ලිවල කේන්ද්‍රස්ථානයක් ලෙසය.
නමුත් නයිජීරියාව විසින් මෑත වසරවලදී ප්‍රති-ජාවාරම් ප්‍රයත්නයන් වේගවත් කර ඇති අතර, 2021 අගෝස්තු මාසයේදී විශාලතම නීතිවිරෝධී වනජීවී කොටස් අත්පත් කර ගැනීම සඳහා බ්‍රිතාන්‍ය, එක්සත් ජනපද සහ ජර්මානු නිලධාරීන් මෙන්ම ජාත්‍යන්තර සංවිධාන සමඟ හවුල් වී ඇත.
2022 දී නයිජීරියාවේ රේගු නිලධාරීන් විසින් කබල්ලෑ කොරපොතු ටොන් 1,613 ක් අත්අඩංගුවට ගෙන පුද්ගලයින් 14 දෙනෙකු අත්අඩංගුවට ගත්හ.
0 Comments