ප්ලාස්ටික් වතුර බෝතල් තුළ අහිතකර ක්ෂුද්‍ර ප්ලාස්ටික් අංශු ලක්ෂ ගණන් ඇතැයි අධ්‍යයනයකින් හෙළිවේ

නව අධ්‍යයනයකට අනුව සාමාන්‍යයෙන් ලීටර් එකක වතුර බෝතලයක  ප්ලාස්ටික් කැබලි 240,000ක් පමණ අඩංගු වන බව සොයාගෙන ඇත.
ජාතික විද්‍යා ඇකඩමියේ Proceedings සඟරාවේ සඳුදා ප්‍රකාශයට පත් කරන ලද  අධ්‍යයනයකට අනුව "නැනෝප්ලාස්ටික්" මයික්‍රොමීටර 1 ට අඩු දිගකින් හෝ පළලින් හැත්තෑවෙන් පංගුවකට අඩු ප්ලාස්ටික් අංශු බෝතල් කළ ජලය තුළ තිබෙන බව සොයාගෙන ඇත.


සොයාගැනීම්වලින් පෙනී යන්නේ කලින් අධ්‍යයනයන් සිදු කර ඇත්තේ ක්ෂුද්‍ර ප්ලාස්ටික් හෝ මයික්‍රොමීටර 1 ත් 5,000 ත් අතර කැබලි පමණක් බැවින් බෝතල් කළ ජලයේ කලින් ඇස්තමේන්තු කළ ප්‍රමාණයට වඩා 100 ගුණයක් වැඩි ප්ලාස්ටික් අංශු අඩංගු විය හැකි බවයි.

නැනෝප්ලාස්ටික් ක්ෂුද්‍ර ප්ලාස්ටික් වලට වඩා මිනිස් සෞඛ්‍යයට විශාල තර්ජනයක් එල්ල කරන්නේ ඒවා මිනිස් සෛල විනිවිද යාමට, රුධිරයට ඇතුළු වීමට සහ අවයව වලට බලපෑම් කිරීමට තරම් කුඩා බැවිනි.

නැනෝප්ලාස්ටික් වැදෑමහ හරහා නූපන් ළදරුවන්ගේ ශරීරයට ද ගමන් කළ හැකි බව සොයාගෙන ඇත

විද්‍යාඥයින් දිගු කලක් තිස්සේ බෝතල් කළ ජලය තුළ ඒවා පවතින බවට සැක කළ නමුත් තනි නැනෝ අංශු හඳුනාගැනීමේ තාක්ෂණයක් ඔවුන් සතුව  නොතිබුණි.

නමුත් එම අභියෝගය ජය ගැනීම සඳහා, පර්යේක්ෂකවරු නව අන්වීක්ෂ තාක්ෂණයක් සොයා ගත් අතර, දත්ත මත පදනම් වූ ඇල්ගොරිතමයක් ක්‍රමලේඛනය කර එක්සත් ජනපදයේ ජනප්‍රිය සන්නාම තුනකින් මිලදී ගත් ජලය ලීටර් 1 බෝතල් 25ක් පමණ විශ්ලේෂණය කිරීමට සමත්විය.


එසේම මෙහිදී ඔවුන් පර්යේක්ෂණ කටයුතු සදහා යොදාගත්තේ  කුමන වෙළඳ නාමයන්ද යන්න සඳහන් කිරීම ප්‍රතික්ෂේප කර ඇත.

ඔවුන් එක් එක් ලීටරයක කුඩා ප්ලාස්ටික් අංශු 110,000 සිට 370,000 දක්වා සොයා ගත් අතර ඉන් 90%ක් නැනෝ ප්ලාස්ටික් බව සදහන් ය.

කෙසේවෙතත් මෙම අධ්‍යයනය මගින් නැනෝ ප්ලාස්ටික් විශ්ලේෂණය කිරීමේ අභියෝගවලට මුහුණ දීම සඳහා ප්‍රබල මෙවලමක් හදුනාගැනීම වටිනා අවස්ථාවකි.


එය නැනෝ මට්ටමින් ප්ලාස්ටික් දූෂණය පිළිබඳ වර්තමාන ගැටළු වලට පිළිතුරක් වනු ඇත.

කොලම්බියා විශ්ව විද්‍යාලයේ පාරිසරික රසායනඥයෙකු වන Beizhan Yan මේ සම්බන්ධව ප්‍රකාශ කර තිබුනේ  මීට පෙර අපට නිරාවරණය නොවූ ලෝකයක් දෙස බැලිය හැකි කවුළුවක් විවෘත වූ බවයි.

මේ වන විට පර්යේෂකයන් විසින් බොහෝ ජල බෝතල් වලින් සාදන ලද පොලිඑතිලීන් ටෙරෙෆ්තලේට් (PET) සහ බෝතල් කිරීමට පෙර ජලය පිරිසිදු කිරීම සඳහා ෆිල්ටරවල නිතර භාවිතා කරන පොලිමයිඩ් ඇතුළු පොදු ප්ලාස්ටික් වර්ග හතක් ඉලක්ක කර ඇත.

ඔවුන් ජලයේ හඳුනා නොගත් නැනෝ අංශු රාශියක් ද සොයාගත්  අතර ඒවායින් එකක් නැනෝ ප්ලාස්ටික් නම්, බෝතල් කළ ජලය තුළ ප්ලාස්ටික් පැතිරීම ඊටත් වඩා වැඩි විය හැකි බවට අනුමාන කර ඇත.

ලෝකය සෑම වසරකම ප්ලාස්ටික් ටොන් මිලියන 450කට වඩා වැඩි ප්‍රමාණයක් නිෂ්පාදනය කරන අතර, ඉන් වැඩි ප්‍රමාණයක් අවසානයේ කුණු ලෙසින් බැහැර වනු ඇත.

ප්ලාස්ටික් වලින් අතිමහත් බහුතරයක් ස්වභාවිකව දිරාපත් නොවන නමුත් කාලයත් සමඟ කුඩා කැබලිවලට කැඩී යයි.

ප්ලාස්ටික් දූෂණය පෘථිවියේ සෑම තැනකම පවතින අතර, 2022 දී ප්‍රකාශයට පත් කරන ලද අධ්‍යයනයකින් හෙළි වූයේ බෝතල් කළ ජලයේ ක්ෂුද්‍ර ප්ලාස්ටික් සාන්ද්‍රණය නළ ජලයට වඩා වැඩි බවයි.

මෙම අධ්‍යයනයේ සම කතුවරුන් පවසන්නේ ඔවුන්ගේ පර්යේෂණ  මින් නතර නොවන බවයි.

මේ වන විට බටහිර ඇන්ටාක්ටිකාවෙන් එකතු කරන ලද නළ ජලය සහ හිම සාම්පලවල නැනෝ ප්ලාස්ටික් පිළිබඳ විමර්ශනය කිරීමට ද ඔවුන් සැලසුම් කර ඇත.

අවසානයේ අදහස් දක්වමින් කොලොම්බියා විශ්ව විද්‍යාලයේ ජෛව භෞතික විද්‍යාඥයෙකු වන වෙයි මින් පවසා ඇත්තේ නැනෝප්ලාස්ටික් පිළිබඳ විශාල අධ්‍යයනයක් ඉදිරියට සිදු කල යුතු බවත් ,කුඩා දේවල්ව වලට ඩා පහසුවෙන් ඔවුන් අප තුළට ඇතුල් විය හැකි බවත් ය .