තංගල්ල මූලික රෝහලේ දී දරුවෙක් ප්‍රසූත කළ මවක් මුහුදට පැන ජීවිතක්ෂයට පත්ව ඇති බව තංගල්ල පොලිසිය පවසයි.
තංගල්ල ධීවර වරාය ආසන්නයේ තිබී කාන්තා මළ සිරුරක් ඊයේ (28) හමු වී ඇත. එම මිය ගිය කාන්තාව රන්න තලුන්න ප්‍රදේශයේ පදිංචිකාරිණියක් වන අතර ඇය තංගල්ල මූලික රෝහලට දරුවෙක් ප්‍රසූත කිරීමට ඇතුළත් කර ඇති බව ඥාතීහු පවසති.
මිය ගොස් සිටින කාන්තාව දරුවා ප්‍රසූත කිරීමෙන් පසුව බිලිඳා නොමේරූ ළදරු ඒකකයට යොමු කර ඇති අවස්ථාවේ දී මව රෝහලෙන් පිටවී තංගල්ල ධීවර වරාය අසල මුහුදට පැන දිවි නසා ගෙන ඇති බවට තොරතුරු අනාවරණය වී ඇතැයි පොලිසිය පවසයි. මෙසේ ජීවිතක්ෂයට පත්ව ඇත්තේ රන්න තලුන්න ගනේවිල පදිංචි කපුගේ සන්දිපා රුවනි තාරකා (32) තරුණ මවකි.
තංගල්ල මූලික රෝහලේ 10 වාට්ටුවේ නේවාසිකව සිටි මෙම කාන්තාව දරුවා ප්‍රසූත කිරිමෙන් පසුව පහළ නොමේරු ළදරු ඒකකයේ තබා ඇති අතර කාන්තාව 10 වාට්ටුවේ සිටි බව රෝහල් ප්‍රකාශකයෙක් පැවසීය. සිද්ධිය සම්බන්ධයෙන් තංගල්ල මූලස්ථාන පොලිසිය පරීක්ෂණ සිදු කරති.
සනත් ගමගේ
0 Comments