මව විදෙස් රැකියාවකට ගොස් ආපසු එන විට තම 15 හැවිරිදි දැරිය පස් මස් ගැබිනියක බවට පත් කළ පුද්ගලයා සොයා දෙන්නැයි වැලිපැන්න, අරියවංශගම ප්‍රදේශයේ දෙදරු මවක් පසු ගිය (28) දා වැලිපැන්න පොලිසියට පැමිණිල්ලක් ඉදිරිපත් කර තිබේ.
වැලිපැන්න අරියවංශගම ප්‍රදේශයේ කාන්තාවක මීට වසර පහකට පෙර දියණියන් දෙදෙනා තම මව භාරයට පත්කර විදෙස් රැකියාවකට ගොස් තිබේ. වසර පහක් විදෙස් රැකියාව සිදු කර පසු ගිය දා සිය නිවසට පැමිණ ඇත. එහිදී තම දියණියගේ කායික තත්ත්වය පිළිබද වෙනසක් දැනුන නිසා දියණිය වෛද්‍යවරයකු වෙත යොමුකර තිබේ.
දැරිය මේ වනවිට පස් මස් ගැබිනියක් බව මෙහිදි හෙළිව ඇත.
මෙම තොරතුරු පොලිසියට පැමිණිලි කිරිමෙන් පසු වැලිපැන්න පොලිසියේ ළමා හා කාන්තා කාර්ංශය මේ පිළිබඳ පරික්ෂණ සිදුකිරිමේදි හෙළිව ඇත්තේ දැරිය පාසල් යන අතරතුර හඳුනාගත් පෙම්වතා ආච්චිගේද අනුදැනුම ඇතිව සිය නිවසටම පැමිණ දැරිය සමඟ අඹුසැමියන් ලෙස ගතකර ඇති බවයි.
දැරියගෙන් ලද තොරතුරු අනුව පොලිසිය තරුණයාගේ නිවසට ගියත් තරුණයා ප්‍රදේශයෙන් පලා ගොස් ඇත. තම පුතා මෙම දැරිය ගැබිනියක් කළ බව ඩී. එන්. ඒ. පරීක්ෂණයක් සිදු කර තහවුරු උවහොත් ගැබිනි දියණිය බාරගන්නා බව සැක කාර තරුණයාගේ මව ප්‍රකාශ කර තිබේ. තරුණයා අත් අඩංගුවට ගැනිමට පොලීසිය පරීක්ෂණ ආරම්භ කර තිබේ.
දැරියන්ගේ ආක්ෂාවට සිටි ආච්චි මෙම සිද්ධියට ආධාර අනුබල දුන් බවට සැක පිට අත් අඩංගුවට ගෙන මතුගම මහේස්ත්‍රාත් අධිකරණයට ඉදිරිපත් කිරිමට කටයුතු කර ඇත.
වැලිපැන්න පොලිසියේ ස්ථානාධිපති ප්‍රධාන පොලිස් පරීක්ෂක චමින්ද සිල්වා මහතාගේ උපදෙස් අනුව ළමා හා කාන්තා කාර්යංශයේ උප පොලිස් පරික්ෂක චමරි මහත්මිය ඇතුළු පිරිසක් මේ පිළිබඳ වැඩිදුර පරීක්ෂණ සිදුකරති.
0 Comments