ග්‍රීසිය සමලිංගික විවාහ නීතිගත කරයි

සමලිංගික විවාහ නීතිගත කළ පළමු ක්‍රිස්තියානි ඕතඩොක්ස් බහුතරයක් සිටින රට බවට ග්‍රීසිය පත්විය.
එසේම බ්‍රහස්පතින්දා පාර්ලිමේන්තුවේ 176-76 ඡන්දයෙන් පසු සමලිංගික ජෝඩුවලට දරුවන් හදා ගැනීමට නීත්‍යානුකූලව එහි අවසර ලබා දී ඇත.

අගමැති Kyriakos Mitsotakis පැවසුවේ නව නීතිය "බරපතල අසමානතාවයක් නිර්භීතව අහෝසි කරන" බවයි.

එහෙත් එය බලවත් ඕතඩොක්ස් පල්ලිය විසින් මෙහෙයවන ලද දරුණු ප්රතිරෝධය සමඟ රට දෙකඩ කර ඇත.

මේ වන විටත් එහි ආධාරකරුවන් ඇතන්ස් නුවර විරෝධතා රැලියක් පැවැත්වා ඇත.

බොහෝ දෙනෙක් අගනුවර සින්ටැග්මා චතුරශ්‍රයේ බැනර් ප්‍රදර්ශනය කරමින්, කුරුස අල්ලාගෙන, යාඥා කියවූ අතර, බයිබලයේ ඡේද ගායනා කළහ.

ඕතඩොක්ස් පල්ලියේ ප්‍රධානී අගරදගුරු අයිරොනිමෝස් පැවසුවේ මෙම පියවර “නිජබිමේ සමාජ සහජීවනය දූෂිත” කරනු ඇති බවයි.

කෙසේවෙතත් මන්ත්‍රීවරුන් 300කින් සමන්විත පාර්ලිමේන්තුවෙහි මෙය  සම්මත කර ගැනීමට  සරල බහුතරයක් අවශ්‍ය විය.


Mitsotakis මහතා මෙම පනත් කෙටුම්පත ජයගෙන ඇති නමුත් එය ඉක්මවා යාමට විරුද්ධ පක්ෂවල සහාය අවශ්‍ය වූ අතර ඔහුගේ මධ්‍යම-දක්ෂිණාංශික ආණ්ඩු පක්ෂයේ මන්ත්‍රීවරුන් විශාල ගණනක්  විරුද්ධවී ඇත.

අගමැතිවරයා ඡන්දයට පෙර විවාදයකදී පාර්ලිමේන්තුවේදී පවසා ඇත්තේ අදෘශ්‍යමානව සිටි පුද්ගලයින් අවසානයේ අප වටා දෘශ්‍යමාන වනු ඇත, ඔවුන් සමඟ බොහෝ ළමයින් අවසානයේ ඔවුන්ගේ නිසි තැන සොයා ගනු ඇත යනුවෙන් ය.

එසේම ඔහු වැඩි දුරටත් පවසා තිබුනේ රතිසංස්කරණය බොහෝ දෙනෙකුගේ ජීවිතවලින් කිසිවක් උදුරා නොගෙන අපගේ සෙසු පුරවැසියන් කිහිප දෙනෙකුගේ ජීවිත යහපත් කරයි යන්නය.

මෙම ඡන්දය ග්‍රීසියේ LGBTQ සංවිධාන විසින් පිළිගෙන ඇත.

සමලිංගික දෙමාපියන්ගේ රේන්බෝ ෆැමිලීස් හි ප්‍රධානී ස්ටෙලා බෙලියා පවසා ඇත්තේ මෙය ඓතිහාසික මොහොතක් බවත්,මෙය ප්රීතිමත් දවසක් බවත් ය.

එසේම යුරෝපා සංගමයේ සාමාජිකයින් 27 දෙනාගෙන් 15 දෙනෙකු දැනටමත් සමලිංගික විවාහ නීතිගත කර ඇත.තවද එයට  ලොව පුරා රටවල් 35 ක අවසර ඇත.

කෙසේනමුත් බොහෝ දුරට පල්ලියේ විරුද්ධත්වය නිසා ග්‍රීසිය මේ වන විට එහි සමහර යුරෝපීය අසල්වැසියන්ට වඩා පසුගාමී වී ඇත.

විශේෂයෙන්ම ගිනිකොනදිග යුරෝපයේ විවාහ සමානාත්මතාවය ඇති පළමු රට එයයි.