ඇමරිකාවේ ජනාධිපතිවරණය සඳහා ඩිමොක්‍රටික් පක්ෂයේ අපේක්ෂකයා ලෙස ජනාධිපති ජෝ බයිඩන් වෙනුවට එරට හිටපු ජනාධිපති ආර්යාවක වන මිෂෙල් ඔබාමා එරට වැසියන්ගේ ප්‍රධාන තේරීමක් බව මත විමසුමකින් අනාවරණය වී ඇත.
මෙම මත විමසුම කළ Rasmussen Reports ඡන්ද විමසීමේදී ඡන්දය දුන් ඩිමොක්‍රටික් පාක්ෂිකයින්ගෙන් අඩකට ආසන්න ප්‍රමාණයක් එක්සත් ජනපද ජනාධිපතිවරණයට බයිඩෙන් හැර වෙනත් අයෙකු අවශ්‍ය බව දන්වා සිටියහ.
තවද ඡන්දය ප්‍රකාශ කරන ලද ඩිමොක්‍රටික් ඡන්දදායකයින්ගෙන් 48% ක් පමණ පැවසුවේ “නොවැම්බරයේ පැවැත්වෙන මැතිවරණයට පෙර ජෝ බයිඩන් වෙනුවට වෙනත් අපේක්ෂකයෙකු සොයා ගැනීම” තමන් අනුමත කරන බවයි.
එහිදී 81 හැවිරිදි ජෝ බයිඩෙන් වෙනුවට වෙනත් විකල්ප අතර මිෂෙල් ඔබාමාට ඡන්ද සියයට 20 ක් ලැබී ඇත.
එහි අනෙක් තරඟකරුවන් වූයේ උප ජනාධිපති කමලා හැරිස්, හිටපු රාජ්‍ය ලේකම් හිලරි ක්ලින්ටන්, කැලිෆෝනියා ආණ්ඩුකාර ගැවින් නිව්සෝම් සහ මිචිගන් ආණ්ඩුකාර ග්‍රේචන් විට්මර් ය.
විශේෂයෙන්ම හිලරි ක්ලින්ටන් සහ ඩොනල්ඩ් ට්‍රම්ප් අතර යළි තරගයක් සඳහා සියයට 12ක් කැමැත්ත පළ කළ අතර කමලා හැරිස්ට සියයට 15ක පමණ ඡන්ද ප්‍රතිශතයක් හිමි විය.
තවද ජනාධිපතිවරණයට ඉදිරිපත් වීම ගැන සලකා බලන ලෙස මිෂෙල් ඔබාමාට නැවත නැවතත් ආරාධනා කර ඇත.
තත්වය කෙසේවෙතත් 2024 එක්සත් ජනපද මැතිවරණයේ පෙළගැස්ම බොහෝ කලක සිට පූර්ව නිගමනයක් වී ඇති අතර, ජෝ බයිඩන් සහ ඩොනල්ඩ් ට්‍රම්ප් අතර නැවත තරඟයක් නියත වශයෙන්ම ඇතිවන බව කියැවේ.
0 Comments