චාල්ස් ඩාවින්ගේ නැතිවූ පුස්තකාලය නැවත පිහිටුවයි

1882 දී මිය ගිය  සුප්‍රකට විද්‍යාඥ හා ලේඛක චාල්ස් ඩාවින්ගේ උපුටා දක්වන ලද , කියවන ලද පත්‍රිකා,පොත්  සහ සඟරා රාශියක් පුස්තකාලයක් ලෙස ප්‍රායෝගිකව නැවත එකලස් කර ඇත.

බොහෝ කෘතිවල කතුවරයා වන ඩාවින්, පරිණාමය පිළිබඳ මූලික විද්‍යාත්මක සංකල්පය ලොවට හඳුන්වා දුන් අතර 1859 දී ඔහු විසින් රචනා කරන ලද "On the Origin of Species" නම් ග්‍රන්ථය නිසා වඩාත් ප්‍රසිද්ධ වී ඇත.

පෙබරවාරි 12 දාට ඩාවින්ගේ උපන්දිනයේ 215 වැනි සංවත්සරයට ගෞරවයක් වශයෙන්, ඩාවින් ඔන්ලයින් ව්‍යාපෘතිය පිටුපස සිටින පර්යේෂණ කණ්ඩායමක් විසින් මෙම ක්‍රියාදාමය සිදුකර ඇති අතර ඩාවින් කියවූ දේ පිරික්සීමට මහජනතාවට ආරාධනා කරමින් නොමිලේ මාර්ගගතව ලබා ගත හැකි පුස්තකාල අන්තර්ගතයේ පිටපත් සඳහා සබැඳි 9,300 ක්  නාමාවලියට ඇතුලත් කර ඇත.


ඩාවින්ගේ සම්පූර්ණ පුස්තකාලය පිළිබඳ පෙර නොවූ විරූ මෙම සවිස්තරාත්මක දර්ශනය, ඔහු තනිව වැඩ කරන හුදකලා චරිතයක් නොව, දහස් ගණනකගේ නවීන විද්‍යාව හා අධ්‍යයනයන් මෙන්ම  අනෙකුත් දැනුම මත ගොඩනැංවූ ඔහුගේ මහන්සිය බව ඔවුන් පවසා තිබේ.

ඇත්ත වශයෙන්ම, පුස්තකාලයේ ඇති කෘතිවල ප්‍රමාණය සහ පරාසය අන් අයගේ වැඩ පිළිබඳ ඩාවින්ගේ පර්යේෂණවල අසාමාන්‍ය ප්‍රමාණයයි.

මෙහිදී නැතිවූ පුස්තකාලයක් එකට එකතු කිරීම ,ඩාවින් ජීවතුන් අතර සිටියදී ඔහු 1875 දී සම්පාදනය කරන ලද පිටු 426 කින් යුත් අත් අකුරින් සම්පාදනය කරන ලද "චාල්ස් ඩාවින්ගේ පුස්තකාලයේ නාමාවලිය" ඇතුළුව ඔහුගේ පුස්තකාලයේ සියුම් වාර්තා, සුරක්ෂිතව තබා ගැනීම සිදුකර ඇත.


තවද  ඩාවින් මිය ගිය පසු ඔහුගේ පුස්තකාලය සංරක්ෂණය කරන ලද නමුත් කාලයාගේ ඇවෑමෙන්, එහි බොහෝ අන්තර්ගතයන් නැති වී හෝ වෙනත් තැනකට ගොස් තිබී ඇත.

මේ වන විට පොත් 1,480ක් ඇතුළත් ප්‍රධාන එකතු කිරීම් දෙකක් මහජනතාව සඳහා විවෘතව පවතින එංගලන්තයේ ඩවුන් හි පිහිටි ඩාවින්ගේ පවුලේ නිවස වන කේම්බ්‍රිජ් විශ්ව විද්‍යාලයේ සහ ඩවුන් හවුස් හි තබා ඇත.

විශේෂම දෙයනම් එකතු කිරීම්වලට ඇතුළත් වූයේ මුල් පුස්තකාලයෙන් ඇස්තමේන්තුගත ප්‍රමාණයෙන් 15%ක් පමණි.

මේ පිලිබදව මුලිකත්වය ගෙන කටයුතු කරනු ලැබුවේ van Wyhe සහ ඔහුගේ සගයන් වන අතර පුස්තකාලයෙන් නිශ්චිත මාතෘකා ගැන විමසමින් පර්යේෂකයන් සහ මහජනතාවගෙන් ලිපි ලැබීමෙන් පසු එය ප්‍රායෝගිකව ප්‍රතිනිර්මාණය කිරීමේ ව්‍යාපෘතියට ඔවුන් අතගසන ලදී.