ගමේ ලස්සණම ලේලි ලිමිණිද? සඳනිද?

පසුගිය සති කිහිපය පුරා සමාජ මාධ්‍ය ජාලා තුළ රැව් පිළිරැව් දුන් ගීත කොටසක් වූයේ  පියත් රාජපක්ෂ ගයන ‘ගමේ ලස්සණම ලේලි“ යි. “රාජපක්ෂ පවුල මුළු ගමේම වැජඹේවී..“ යනුවෙන් එහි කියැවෙන කොටස මහින්ද රාජපක්ෂ පවුලට ආදේශ කරමින්

ඉදිරියේදී නාමල් රාජපක්ෂ ජනපති අපේක්ෂකයා ලෙස ඉදිරිපත් කරන්නට සූදානමින් දැනටමත් අරඹා ඇති ප්‍රචාරක වැඩසටහනේ අංගයක් ලෙස මෙම ගීත කණ්ඩය විවිධ රූප රාමු අමුණමින් පළ කර තිබුණ අතර

ඒ හා ආශ්‍රීත ‘පේජ්‘ නාමල් - ලිමිණිගේ රුව යොදාගෙන ප්‍රවර්ධන කටයුත්තක නිරත විය.

පියත් රාජපක්ෂ නාමල් රාජපක්ෂලා වෙනුවෙන් මෙම ගීතය කළාද යන්න හිතෙන තරමට එහි ප්‍රචාරණය උපරිම විය. 2016 සිරස සුපර් ස්ටාර් තරගයෙන් මතුවූ පියත් රාජපක්ෂ ගායනය පද රචනය සිදුකරමින් කළ මෙම අපූරු නිර්මාණයේ වීඩියෝව නිකුත්වූයේ මීට දින කිහිපයකට උඩදීය. එහි රඟපාන්නේ පියත්ගේ සැබෑ ජීවිතයේ පෙම්වතිය ලෙස සැලකෙන ටෙලි නිළි සඳනි ප්‍රනාන්දුය.

වීඩියෝ රූප රචනයේදී පියත් තම මනාලිය නෑදෑයන්ට හඳුන්වාදෙන කොටසක්ද ඇතුළත්වේ. එම රූප රාමු සමග ගීත පදද අපූරුවට ගැළපේ. ප්‍රචාරණ ගීත වල රාජපක්ෂ පවුල ලෙස පෙන්නුවේ පියත්ගේ නොව මහින්දගේ පවුලයි. ගීතයේ හැටියට ගමේ ලස්සණම ලේලි පියත්ගේ පෙම්වතිය වූ සඳනි ප්‍රනාන්දු වුණත් ප්‍රචාරක වීඩියෝවේ ලස්සණම ලේලි නාමල් බිරිය ලිමිණි ය.

සම්පූර්ණ ගීතය පහතින්

නුඹ අතේ මුදු මාලයක් මං පළදාවී
මධු සුවය සොයා සීතල ගමකට යාවි
ඉඩ කඩම් බෝමයක් දෑවැද්දට දේවි
මුළු ජීවිතේ රෝස මල් යහනාවක් වේවි...

ගමේ ලස්සනම ලේලි අපෙ අම්මගෙ වේවි
නුඹ මං එක්කලා ඉද්දි තව හැඩට පෙනේවි
නෑදෑයොන්ට ගොඩක් ඊරීසියා හිතේවි
රාජපක්ෂ පවුල මුළු ගමේම වැජඹේවී..

දරුවන් ඉපදි අපෙ නිවහන ආදරයෙන් ඉතිරි
ඇස් වා දුරුවී බෝකල් අපි සැමදා හිනැහේවි...
කෝමලියා සිකුරුලියා කුමරියෙ අපි හෙට බදිමු සුදා
කෝමලියා සිකුරුලියා බැන්දට පසු නුඹ මට බනිනු එපා...//

ගායනය / පද: පියත් රාජපක්ෂ

සසැඳුම් ගීතය පහතින්