මියගිය සැමියාගේ මළසිරුර දින තුනක් නිවෙසේ තබාගෙන සිටි කාන්තාවක එහි දොරවල් කඩා ඉවතට ගත් බව පානදුර ඳකුණ පොලිසිය පවසයි.
පානදුර, ඇටඹගොඩවත්ත ජනජය නිවාස සංකීණයේ අඹුසැමි යුවළක් පදිංචි නිවෙසකින් අධික දුගඳක් හමන බවට පෙරේදා (25) රාත්‍රි පානදුර දකුණ පොලිසියට ලද තොරතුරක් මත පොලිස් නිලධාරීන් පිරිසක් එහි ගොස් ඇත.
පොලිස් කණ්ඩායම නිවෙසට ඇතුළු වී පරීක්ෂා කිරීමේදී ඇඳක් මත මුනින් අතට තිබූ මළ සිරුර සොයාගත් බව පොලිසියේ ප්‍රකාශකයෙක් පැවැසීය.
මෙසේ මියගොස් ඇත්තේ පානදුර, ඇටඹගොඩවත්ත, ජනජය නිවාස සංකීර්ණයේ පදිංචිව සිටි අත්තනායක මුදියන්සේලාගේ ජගත් බණ්ඩාර නමැති 52 හැවිරිදි පුද්ගලයෙකි.
මියගොස් ඇති පුද්ගලයාගේ බිරිය කිසියම් මානසික රෝග තත්වයකින් පෙළෙන බවට සැක කෙරෙන බව පොලිසිය පවසයි.
පානදුර කොට්ඨාස අපරාධ ස්ථාන පරීක්ෂණාගාර නිලධාරීහු එදින රාත්‍රියේම පරීක්ෂණ ආරම්භ කළහ.
මෘතදේහය පශ්චාත් මරණ පරීක්ෂණය සඳහා පානදුර මූලික රෝහලට රැගෙන යනු ලැබීය.
ජ්‍යෙෂ්ඨ පොලිස් අධිකාරි සමන්ත වෙදගේ, සහකාර පොලිස් පරීක්ෂක නිශාන්ත සේනාරත්න යන මහත්වරුන්ගේ උපදෙස් පරිදි මූලස්ථාන පොලිස් පරික්ෂක උපුල් ප්‍රියංකර මහතාගේ ප්‍රධානත්වයෙන් පරීක්ෂණ පැවැත්වේ.
පානදුර සුමිත් පොතුපිටිය සහ පානදුර සමන් කාරියවසම්
0 Comments