පාසල නිමවා නිවස කරා යමින් සිටි 15 හැවිරිදි පාසල් සිසුවියකගේ මුඛයට මත්පෙති දමා කනේ තිබූ කරාබුවක් ගලවාගෙන ගොස් ඇති බවට ලද පැමිණිල්ලක් මත පරීක්ෂණ ආරම්භ කළ බව පින්වත්ත පොලීසිය පවසයි.පානදුර ජනප්‍රිය පාසලක ඉගෙනුම ලබන සිසුවියක පෙරේදා (27 දා) පස්වරුවේ පානදුර, මහවිල ප්‍රදේශයේ සිය නිවස කරා යමින් සිටියදී මෙම සිද්ධියට මුහුණදී ඇත.
පාසල් දැරියක නිල ඇඳුමෙන් අතුරු මාර්ගයක වැටී සිටින බවට ප්‍රදේශයේ කාන්තාවක විසින් පින්වත්ත පොලීසියේ ස්ථානාධිපතිවයා දැනුවත් කිරීමෙන් පසු ස්ථානාධිපතිවරයා විසින් සුවසැරිය ගිලන් රථයෙන් ඇය පානදුර මූලික රෝහලට ඇතුළත් කිරීමට පියවර ගෙන තිබිණි.රෝහල්ගත කළ සිසුවිය පෙරේදා (27දා) රාත්‍රිය වනවිට තරමක් ප්‍රකෘති තත්ත්වයට පැමිණ සිටි බවත් සදහන් වේ.
ප්‍රදේශයේ ආරක්ෂක කැමරා දර්ශන පරීක්ෂා කිරීමෙන් පසු සැකකරු අත්අඩංගුවට ගැනීමට ක්‍රියාකරන බව උසස් පොලිස් නිලධාරියෙක් පවැසීය.පින්වත්ත පොලීසිය සිද්ධිය පිළිබද වැඩිදුර පරීක්ෂණ සිදු කරයි.
පානදුර සුමිත් පොතුපිටිය
Comments
Post a Comment
Your comment will be visible after approval