පූනම් පාණ්ඩේගේ ව්‍යාජ පිළිකා මරණය ආචාර ධර්ම විවාදයට තුඩු දෙයි

ගැබ්ගෙල පිළිකාවක් හේතුවෙන් ඉන්දීය නිළියක් මිය ගිය බවට සමාජ මාධ්‍ය සටහනක් සහ පසුව ඇය ජීවතුන් අතර සිටින බව නිවේදනය කරන වීඩියෝවක් සමඟ  මේ වන විට ඉන්දියාව පුරා ආන්දෝලනයක් හටගෙන ඇත.

සිකුරාදා පූනම් පාණ්ඩේගේ නම් ඉන්දීය නිළිය සිය  නිල Instagram ගිණුමෙහි  ප්‍රකාශයක් නිකුත් කරමින් කියා සිටියේ 32 හැවිරිදි ඇය  “නිර්භීතව රෝගයට එරෙහිව සටන් කර” මිය ගිය බවයි.

බොහෝ දෙනෙක් මෙය විශ්වාස කල අතර,බොහෝ දෙනෙක් ඊට ශෝකී පණිවිඩ ද බෙදාගෙන තිබිණි.

ප්‍රවෘත්ති ආයතන පවා  මිනිත්තු කිහිපයකින් ඇයගේ මරණය පිළිබඳ පුවත වාර්තා කළ අතර සමාජ මාධ්‍ය නිළියට උපහාර දැක්වීමෙන් පිරී තිබුණි.


පාණ්ඩේ චිත්‍රපට කිහිපයක පමණක්  රඟපා ඇති නමුත් ඇයගේ මතභේදාත්මක පෝස්ට් සහ ප්‍රචාරණ ව්‍යාපාර හේතුවෙන් ඇය අන්තර්ජාලය හරහා විශාල ප්‍රසිද්ධියක් උසුලා ඇත.

2011 වසරේදී ඉන්දීය ක්‍රිකට් කණ්ඩායම ලෝක කුසලානය දිනුවහොත් තමා නිරුවත් වන බව පවසා තිබීමද ඉන් එකකි.

කෙසේනමුත් ඇගේ "මරණයෙන්" දිනකට පසු, පාණ්ඩේ වීඩියෝවක් පළ කරමින් කියා සිට ඇත්තේ  "ඇයගේ වියෝව ව්‍යාජයක් " බවත්, තමා දැමු එම සටහන මිලියන 1.3 ක අනුගාමිකයින් සඳහා Instagram සටහන ගැබ්ගෙල පිළිකා පිළිබඳ දැනුවත් කිරීමේ සමාජ මාධ්‍ය ව්‍යාපාරයක කොටසක් බවත්ය.

දැන් සියල්ලන්ම ගැබ්ගෙල පිළිකාව ගැන කතා කිරීමට පටන් ගෙන ඇති බවත් එය තමා ලද ජයග්‍රහණයක් බවත් ඇය පවසා ඇත.

සැබවින්ම ගැබ්ගෙල පිළිකාව බොහෝ විට "නිහඬ ඝාතකයා" ලෙස හැඳින්වේ, මන්ද එය එහි මුල් අවධියේදී සැලකිය යුතු රෝග ලක්ෂණ නොපෙන්වයි. පියයුරු පිළිකාවෙන් පසු, එය ඉන්දියාවේ කාන්තාවන්ගේ දෙවන වඩාත් සුලභ පිළිකාව වන අතර සෑම වසරකම 77,000 කට වැඩි පිරිසක් මෙම රෝගයෙන් මිය යති.

නමුත් HPV (හියුමන් පැපිලෝමා වයිරසය) එන්නත මගින් ඉහළ අවදානම් සහිත පිළිකා ඇති කරන වෛරස් ප්‍රභේදවලින් ආරක්ෂා වන බැවින් එය වඩාත් වළක්වා ගත හැකි පිළිකාවලින් එකකි.

එහෙත් එන්නත මගින් සියලුම පිළිකා ඇති කරන HPV වික්‍රියා වලින් ආරක්ෂා නොවන බැවින් නිතිපතා ගැබ්ගෙල පිළිකා පරීක්ෂාවන් දිගටම කරගෙන යාමට කාන්තාවන්ට උපදෙස් දෙනු ලැබේ.

පාණ්ඩේ ඇගේ මරණය ව්‍යාජ ලෙස ප්‍රකාශ කිරීමට දිනකට පෙර බ්‍රහස්පතින්දා, ඉන්දියාවේ මුදල් අමාත්‍ය නිර්මලා සීතාරාමන් ප්‍රකාශ කළේ වයස අවුරුදු නවයේ සිට 14 දක්වා ගැහැණු ළමයින්ට මේ සදහා  එන්නත් කිරීමට රජය පියවර ගනිමින් සිටින බවයි.

කෙසේනමුත් මේ වන විට ඇගේ සටහන සහ වීඩියෝව ගැබ්ගෙල පිළිකා වැනි බරපතල ගැටළුවක් කෙරෙහි අවධානය යොමු කිරීමට භාවිතා කරන ක්‍රමය පිළිබඳ විවාදයක් ඇතිකර ඇත.

කිහිප දෙනෙක් නිළිය විසින් සිදු කල සමාජ මාධ්‍ය ව්‍යාපාරයට ප්‍රශංසා කළ අතර මිනිසුන් රෝගය ගැන සැලකිලිමත් වීමට තරම් “කම්පනයට” පත් වූ බවද ප්‍රකාශ කොට තිබිණ.නමුත් ඇතැමෙක් එය නිර්ධය විහිළුවක් ලෙස විවේචනය කර ඇත.

මේ සම්බන්ධයෙන් එක් පරිශීලකයෙකු X (කලින් ට්විටර්) හි ලියා ඇත්තේ මරණය විහිළුවක් නොවන බවයි.

තවත් අයෙක් පවසා ඇත්තේ කුඩා කාලයේදීම පිළිකාවකින් තම පියා අහිමි වූ අතර, මෙම සිදුවීමෙන් එම  දුෂ්කර මතකයන් නැවත ගෙන ආ බැවින් තමාට මෙම සිදුවීම  දුක්ඛිත වූ බවයි.

එම ප්‍රවෘත්තියෙහි සත්‍ය අසත්‍යතාවය නොවිමසා ඉදිරිපත් කිරීම හේතුවෙන් බොහෝ පුද්ගලයන් මාධ්‍යට බැනවදි ඇත.

x  පරිශීලකයෙක් සදහන් කර තිබුනේ පූනම් පාණ්ඩේගේ මරණයෙන් පසුව ඉන්දියානු මාධ්‍යවල මරණය සිදු විය. සත්‍යාපනයක් නැත, සත්‍ය පරීක්‍ෂණයක් නැත. ඒ කිසිවක් කමක් නැත. ඇය අද නැවත පණ ගැන්වී ඇත. අපගේ පුවත්පත් කලාව ගැන ද එයම කිව නොහැක යනුවෙන් ය.


කෙසේ වෙතත්, සමහර මාධ්‍යවේදීන් තම තීරණය සාධාරණිකරණය කලේ මෙම ප්‍රවෘතිය ඇයගේ නිල ගිනුමේම දමා තිබු බව පෙන්වා දෙමින් ය.

සෙනසුරාදා, මෙම අදහස ක්‍රියාත්මක කෙරු සමාජ මාධ්‍ය ඒජන්සිය වන Schbang ජනතාවගෙන් සමාව අයැද සිට ඇත.


ඒජන්සිය ප්‍රකාශයක් නිකුත් කරමින් කියා සිටියේ ඔවුන්ගේ අපේක්ෂාව වුයේ ගැබ්ගෙල පිළිකා පිළිබඳ දැනුවත්භාවය ඉහළ නැංවීම යන්න බව පවසා ඇත.

එසේම පාණ්ඩේගේ මව පිළිකාවට එරෙහිව සටන් කර ඇති බවත්, විශේෂයෙන් එන්නතක් පවතින විට වැළැක්වීමේ වැදගත්කම සහ දැනුවත් කිරීමේ වැදගත්කම ඇය තේරුම් ගන්නා බවත් එහි සඳහන් වි ඇත.


එහෙත් මෙහි ආන්දෝලනය තවමත් පහවී ගොස් නැත.

කෙසේවෙතත් මෙවැනි වෛරල් වන දැන්වීම් නිර්මාණය කිරීමේදී ආචාර ධර්ම ප්‍රතික්ෂේප කිරීම සඵලතාවයට කමක් නැද්ද යන්න ජනතාව ප්‍රශ්න කර ඇත.