ජනාධිපතිවරණයට පෙර විධායක ජනාධිපති ක්‍රමය අහෝසි කළ යුතු බව පාර්ලිමේන්තු මන්ත්‍රී රාජිත සේනාරත්න මහතා පවසයි.
විධායක ජනාධිපති ක්‍රමය අහෝසි කිරීමට යමෙකුට අවශ්‍ය නම් කාල රාමුවක් නොතැබිය යුතු බව පාර්ලිමේන්තු මන්ත්‍රී සේනාරත්න මහතා උත්සව සභාවක් අමතමින් කියා සිටියේය.
“විධායක ජනාධිපති ක්‍රමය වහා අහෝසි කිරීමට කවුරුන් හෝ යෝජනා කරනවා නම් මගේ සහය ඔවුන්ට ලැබෙනවා. මම පාර්ලිමේන්තුවෙන් යන්න වුණත් ලෑස්තියි.” යැයිද ඔහු පැවසීය.
විධායක ජනාධිපති ක්‍රමය අහෝසි කළ හැකි නම් විශාල මුදලක් වැය කර ජනාධිපතිවරණයක් පැවැත්විය යුත්තේ මන්දැයි හිටපු අමාත්‍යවරයා ප්‍රශ්න කළේය.
ආණ්ඩුව විධායක ජනාධිපති ක්‍රමය අහෝසි කරනු ඇතැයි තමන් විශ්වාස නොකරන බව පැවසූ සේනාරත්න මන්ත්‍රීවරයා එය පාර්ලිමේන්තුවේ සාකච්ඡා කළ යුතු කරුණක් බවත් එය කඩිනමින් ක්‍රියාත්මක කළ යුතු බවත් පැවසීය.
0 Comments