ශ්‍රී ලංකා - ඇෆ්ගනිස්ථාන විස්සයි20 ක්‍රිකට් තරගය ඊයේ අවසන් වූයේ ශ්‍රී ලංකාවට පරාජය එක්කරමිනි. ලකුණු 210ක ඉලක්කයක් හඹාගිය ශ්‍රී ලංකා පිලට අවසන් පන්දු හයේදී ලකුණු 19ක් අවශ්‍යව තිබුණ අතර නොදැවී 65 ක් රැස් කළ කමිඳු මෙන්ඩිස්ගේ ප්‍රහාරයෙන් එය සිදු කරන්නට හැකියාව තිබුණත් ලකුනු 3 ක් මදිවී පරාජය අත්විය.
අවසන් ඕවරයේ අවාසිදායක පන්දුවක් නිසා තමන්ට අසාධාරණයක් වූ බව නායක වනිඳු හසරංග පැවසීය.
ශ්‍රී ලංකා ක්‍රිකට් පිලේ නායක වනිඳු හසරංග ඊයේ ඇෆ්ගනිස්තානයට එරෙහිව පැවැති තරගයේ අවසන් ඕවරයේදී ආන්දෝලනාත්මක නොබෝල් ඇමතුමකින් පසු විනිසුරු ලින්ඩාල් හැනිබල්ට දරුණු ප්‍රහාරයක් එල්ල කළේය.
අවසන් ඕවරයේ 4 වැනි පන්දුවාරයේදී ඉහළ ෆුල් ටෝස් නොබෝලයක් ලෙස නොසැලකීම අසාදාරණ බව ඔහු කීය. නැවත නැවත බැලීම්වලින් ඇඟවුණේ පන්දුව ඉණ සීමාවට වඩා ඉහළින් ඇති බවයි, එය ශ්‍රී ලංකා කඳවුර තුළ කෝපයක් ඇති කළේය.
නායක හසරංග තරගයෙන් අනතුරුව විනිසුරුවරයා සමඟ උණුසුම් වචන හුවමාරු කර ගන්නා අයුරු දැකගත හැකි වූ අතර පසුව තරගයෙන් අනතුරුව පැවති මාධ්‍ය හමුවේදී ඔහු වාචික ප්‍රහාරයක් එල්ල කළේය.
“මේක ජාත්‍යන්තර තරගයක වෙන්න බෑ,” හසරංග පැවසුවේ දැඩි කලකිරීමෙනි. “එය ටිකක් ඉහළ ගියා නම් එය පිතිකරුවාට හානියක් විය හැකිය. මේ වගේ දෙයක් අඳුරගන්න බැරි නම් විනිසුරු නුසුදුස්සෙක්, එයා වෙන ජොබ් එකක් කළා නම් හොඳයි.”
ඔහු වැඩිදුරටත් ඉල්ලා සිටියේ නොබෝල් සහ වයිඩ්ස් සම්බන්ධයෙන් අයිසීසී සමාලෝචන ක්‍රමයක් ක්‍රියාත්මක කරන ලෙසයි.
0 Comments