ඇය පවසන්නේ පිළිකා රෝග විනිශ්චය කිරීමෙන් පසු ඇය ප්‍රතිකාරයේ මුල් අවධියේ පසුවන බවයි.
මේ බව කියන්නට ජාතිය අමතමින් වීඩියෝ ප්‍රකාශයක් ඇය සිදුකර ඇති අතර මෙම පුවත බ්‍රිතාන්‍ය වැසියන් කම්පනයට පත්කර තිබේ.මේ අතර කුමරිය සම්පූර්ණ සුවය ලබනු ඇතැයි විශ්වාස කරන බව කෙන්සිංටන් මාලිගය පවසයි.
වීඩියෝ ප්‍රකාශය මෙසේය.
“ජනවාරි මාසයේදී, මම ලන්ඩනයේදී විශාල උදර ශල්‍යකර්මයකට භාජනය වූ අතර, එම අවස්ථාවේ දී, මගේ තත්වය පිළිකාවක් නොවන බව සිතුවා. සැත්කම සාර්ථක වුණා. කෙසේ වෙතත්, ශල්‍යකර්මයෙන් පසු කරන ලද පරීක්ෂණවලදී පිළිකාවක් ඇති බව සොයා ගත්තා. එබැවින් මගේ වෛද්‍ය කණ්ඩායම උපදෙස් දුන්නේ මා පිළිකාව වැළැක්වීමේ කෙමෝතෙරපි පාඨමාලාවකට භාජනය විය යුතු බවයි. මම දැන් එම ප්‍රතිකාරයේ මුල් අදියරේ පසුවනවා.
මෙය කාලයක් ගතවන වැඩක් විශාල ශල්‍යකර්මයකින් සුවය ලැබීමටත් මට කාලයක් ගතවුණා.
ඇත්ත වශයෙන්ම මෙය විශාල කම්පනයක් ඇති කළ සිදුවීමක්. විලියම් සහ මම අපගේ තරුණ පවුල වෙනුවෙන් මෙය පුද්ගලිකව සැකසීමට සහ කළමනාකරණය කිරීමට අපට හැකි සෑම දෙයක්ම කරමින් සිටිමු.අපගේ මුළු පවුලටම ඇදහිය නොහැකි තරම් දුෂ්කර මාස කිහිපයක් මේ ගතවන්නේ.
වඩාත්ම වැදගත් දෙය නම්, ජෝර්ජ්, චාලට් සහ ලුවීට සෑම දෙයක්ම ඔවුන්ට සුදුසු ආකාරයෙන් පැහැදිලි කිරීමටත්, මම හොඳින් සිටින බව ඔවුන්ට සහතික කිරීමටත් අපට අවශ්‍ය වීමයි.
මා ගැන විශාල සැලකිල්ලක් දක්වන අපූරු වෛද්‍ය කණ්ඩායමක් මා සතුව ඇත. ඔවුන්ට මම ඉතා කෘතඥ වෙමි.
මම ශල්‍යකර්මයෙන් සුවය ලබමින් සිටින අතරවාරයේ සියලු සහයෝගය සහ ඔබේ අවබෝධය වෙනුවෙන් පුද්ගලිකව ඔබට ස්තූති කිරීමට මෙය අවස්ථාවක් කර ගන්නම්.“
කැතරින් හෙවත් කේට් නැතහොත් වේල්ස් කුමරිය බ්‍රිතාන්‍ය රාජකීය පවුලේ සුවිශේෂ සාමාජිකාවක වන්නේ ඇය ඊළඟට රජපදවි ලැබීමට උරුමක්කාර විලියම් හා විවාහවී සිටීම නිසාය.
රීඩින්හි උපත ලද කැතරින් හැදී වැඩුණේ බර්ක්ෂයර් හි බකල්බරි හි ය. ඇය ශාන්ත ඇන්ඩෘ පාසලේ සහ මාල්බරෝ විද්‍යාලයේත් ශාන්ත ඇන්ඩෲස් විශ්ව විද්‍යාලයේ ඉතිහාසය කලා විෂයන් හදාරා ඇත. එහිදී ඇයට විලියම් කුමරු මුණගැසුණේ 2001 වසරේදීය. ඇය අලෙවිකරණය ආශ්‍රිත රැකියා කිහිපයක විවාහයට පෙර නිරතවී ඇත.
විළියම් හා කැතරින් විවාහ වූයේ 2011 අප්‍රේල් 29 වැනිදා වෙස්ට්මිනිස්ටර් ඇබේහිදීය . මෙම යුවළට ජෝර්ජ් , චාලට් සහ ලුවී නමින් දරුවන් තිදෙනෙක් සිටී.
පුණ්‍ය සංවිධාන 20කට අධික සංඛ්‍යාවක් සමඟ හවුල්ව විවිධ සමාජ උපකාර වැඩසටහන් සිදුකිරීම ඇගේ දිනචරියාවට ඇතුළත්ය. ඇයගේ පුණ්‍ය කටයුතු මුල් ළමාවිය රැකවරණය, ඇබ්බැහි වීම් සහ කලාව සම්බන්ධ ගැටළු කෙරෙහි අවධානය යොමු කරයි. ගැටලු සාකච්ඡා කිරීමට හා මිනිසුන් දිරිමත් කිරීම සඳහා ඇය ව්‍යාපෘති වල යෙදෙන්නියකි.
කැතරින් 2016 අප්‍රේල් මාසයේදී දියත් කළ මානසික සෞඛ්‍ය දැනුවත් කිරීමේ ව්‍යාපාරය Heads Together විශේෂ අවධානයට ලක්විය.
"කේට් මිඩ්ල්ටන්ගේ බලපෑම“ ටයිම් සඟරාව ඉහළින් සලකා ඇති අතර 2011, 2012 සහ 2013 දී ලෝකයේ වඩාත්ම බලගතු පුද්ගලයන්ගේ ලැයිස්තුවට ඇය ඇතුළත්ව තිබුණි..
රෝගය ගැන පවසන්නට ජාතිය අමතමින් වීඩියෝ ප්‍රකාශයක් ඇය සිදුකර තිබුනේ පහත පරිදිය.
){kind=link}
0 Comments