බිරිඳගේ හිසට මොට ආයුධයකින් පහරදී බරපතළ තුවාල සිදු කර, රිය අනතුරක් සිදුවූ බව පවසමින් රෝහල්ගත කළ බවට සැකපිට ඇගේ සැමියා කළුතර අපරාධ කොට්ඨාසය විසින් අත්අඩංගුවට ගනු ලැබ තිබේ.
බදුරලිය, මාරගහදෙණිය ප්‍රදේශයේ පදිංචි 32 හැවිරිදි පුද්ගලයෙකු මෙසේ අත්අඩංගුවට පත්ව ඇති බව පොලීසිය කීය.
සැකකරු 2023 අප්‍රේල් 10දා රාත්‍රී සිය බිරිඳ වන එමි.බී කසුති දුලීකා (30) හැවිරිදි එක්දරු මව ත්‍රිරෝද රථයකින් ඇද වැටී තුවාල ලැබූ බව සඳහන් කරමින් බදුරලිය ප්‍රාදේශීය රෝහලට ඇතුළත් කර තිබිණි.
ඇයගේ තත්ත්වය බරපතළ බැවින් කොළඹ ජාතික රෝහලට ඇතුළත් කිරීමෙන් පසු 2023 මැයි මස 7දා මිය ගොස් ඇති බව පොලීසිය කීය.
ඇයගේ මරණය සැකසහිත බවට පවුලේ සාමාජිකයන් කළ පැමිණිලි මත කළුතර අපරාධ කොට්ඨාසයේ නිලධාරීන් විසින් සිදු කළ දීර්ඝ විමර්ශනයකින් පසු සැකකරු අත්අඩංගුවට ගත් බව වැටලීමට එක්වූ නිලධාරියෙක් පවැසීය.
මොට ආවේගී බලවේගයකින් හිසට සිදු වූ බරපතළ තුවාල හේතුවෙන් කාන්තාවගේ මරණය සිදුව ඇති බවට විශේෂඥ අධිකරණයට වෛද්‍ය නිලධාරීගේ වාර්තාව අනුව සටහන්ව ඇති බවද පොලිසිය සඳහන් කරයි.
කළුතර අපරාධ කොට්ඨාසය සිද්ධිය පිළිබඳ වැඩිදුර පරීක්ෂණ සිදු කරයි.
පානදුර සුමිත් පොතුපිටිය
0 Comments