ඝානා පාර්ලිමේන්තුව සමලිංගිකත්වයට එරෙහි පනතක් සම්මත කරයි

ජාත්‍යන්තර හෙලාදැකීමට ලක්ව ඇති මතභේදාත්මක සමලිංගික විරෝධී පනතක් ඝානා පාර්ලිමේන්තුව බදාදා ඒකමතිකව සම්මත කළේය.
 
"වසර තුනකට පසු, මානව ලිංගික අයිතිවාසිකම් සහ පවුල් වටිනාකම් පනත සම්මත කර ඇත" යනුවෙන් පනතේ ප්‍රධාන අනුග්‍රාහකයෙකු වන සෑම් ජෝර්ජ් පැවසීය.

2021 දී පාර්ලිමේන්තුවට ඉදිරිපත් කරන ලද මෙම පනත, LGBTQ සබඳතා පමණක් නොව, LGBTQ අයිතිවාසිකම් සඳහා සහාය දක්වන අය ද අපරාධ කරුවන් ලෙස සලකයි.

බොහෝ දුරට යටත් විජිත යුගයේ නීති නිසා අප්‍රිකානු රටවල් තවමත් සමලිංගික ක්‍රියාකාරකම් පුළුල් අපරාධයන් ලෙස සලකනු ලබයි.  නමුත් අප්‍රිකාව මෑත කාලීන යෝජිත නීති මාලාවක් පැහැදිලි කිරීමට සහ සමහර අවස්ථාවලදී එම නීති ශක්තිමත් කිරීමට උත්සාහ කර ඇත.

මෑතකාලීන CNN විමර්ශනයකින්   එක්සත් ජනපදයේ ලාභ නොලබන ආයතනයක් සහ සමලිංගික නීති කෙටුම්පත් කිරීම අතර ඇති චෝදනා සම්බන්ධයන් අනාවරණය විය.

ඝානාවේ පනත නීතියක් බවට පත්වීමට නම් එරට ජනාධිපතිවරයා විසින් අත්සන් කළ යුතුය.

එක්සත් ජාතීන්ගේ මානව හිමිකම් ප්‍රධානී වොල්කර් ටර්ක් මහතා, ඝානාවේ පාර්ලිමේන්තුව විසින් පනත් කෙටුම්පත සම්මත කිරීම “ කලබලකාරී” ක්‍රියාවක් ලෙස හැඳින්වූ අතර එම නීතියට අත්සන් නොකරන ලෙස රජයෙන් ඉල්ලා සිටියේය.

"මෙම පනත මගින් සමලිංගික, ද්වීලිංගික සහා  සංක්‍රාන්ති ලිංගික,  පුද්ගලයන්ට එරෙහිව අපරාධ සම්බාධකවල විෂය පථය පුළුල් කරයි .

පනත සම්මත කිරීමට ප්‍රතිචාර දක්වමින් UNAIDS විධායක අධ්‍යක්ෂ Winnie Byanyima අනතුරු ඇඟවූයේ,  පනත නීතියක් බවට පත් වුවහොත් එය “සියලු දෙනාටම බලපාන” බවත් HIV සහ AIDS වලට එරෙහිව රටේ සටනට බාධා කරන බවත්ය.

පනත් කෙටුම්පත නීතියක් බවට පත් වුවහොත්, “එය නිදහස් භාෂණයට, චලනය වීමේ නිදහසට සහ ඇසුරේ නිදහසට සෘණාත්මකව බලපානු ලබන අතර, එයට “ජීවිත සුරැකීමේ සේවාවන් සඳහා ප්‍රවේශය අවහිර කිරීමට, සමාජ ආරක්ෂණය අඩාල කිරීමට, සහ ඝානාවේ සංවර්ධන සාර්ථකත්වය අනතුරේ හෙළීමට හැකියාවක් ඇත යනුවෙන් Byanyima අනතුරු ඇඟවීය.

මෙම පනත් කෙටුම්පත වැනි දඬුවම් නීතීන් ඒඩ්ස් අවසන් කිරීමට බාධාවක් වන අතර අවසානයේ සෑම කෙනෙකුගේම සෞඛ්‍යය අඩපණ කරන බවට සාක්ෂි පෙන්නුම් කරයි.

එක්සත් ජනපද රාජ්‍ය දෙපාර්තමේන්තුව බදාදා ප්‍රකාශ කළේ වොෂින්ටනය නීතිය සම්මත කිරීමෙන් “දැඩි කැළඹීමක්” ඇති කර ඇති බවත්, එය “සියලු ඝානා වැසියන්ගේ ව්‍යවස්ථානුකූලව ආරක්‍ෂිත භාෂණ, මාධ්‍ය සහ රැස්වීමේ නිදහසට තර්ජනයක් වන” බවත්ය.

එක්සත් ජනපද රාජ්‍ය දෙපාර්තමේන්තුව ද පනත මගින් රටේ “මහජන සෞඛ්‍ය, මාධ්‍ය සහ ප්‍රජා අවකාශයන් සහ ආර්ථිකය” හරහා ඇති කරනු ඇති  බලපෑම නැවත අවධාරණය කළේය.