කරාපිටිය ශික්ෂණ රෝහලේ වෛද්‍යවරයකුගේ දේහය සිය නිවෙසේ තිබියදී හමු වී ඇතැයි ගාල්ල පොලිසිය පවසයි.
මියගොස් ඇත්තේ, ගාල්ල බටගන්විල තලගහහේන පටුමගේ පදිංචිව සිටි, පරණ පල්ලියගුරුගේ ප්‍රභාත් චාමර සම්පත් නමැති, 37 හැවිරිදි, වෛද්‍යවරයකු බව පොලිසිය කියයි.
මියගිය වෛද්‍යවරයාගේ බිරිය ද කරාපිටිය රෝහලේ සේවය කරන වෛද්‍යවරියකි. දෙදෙනා මෙම නිවෙස කුලියට ගෙන පදිංචිව සිට ඇති බවත්, දෙදෙනා අතර නිතර ආරවුලක් සිදුව ඇති බවත් විමර්ශන වලදී හෙළි වී ඇත.
වෛද්‍යවරයා නිවෙසේ සිටියදී බිරිය පෙරේදා තම මවුපියන්ගේ නිවෙසට ගොස් පැමිණි අවස්ථාවේදී වෛද්‍යවරයා බිම වැටී සිටිනු දැක පැමිණිල්ලක් කළ බව පොලිසිය පවසයි.
මෙය දිවි නසා ගැනීමක් දැයි පරීක්ෂා කර බලන බව පොලිසිය කියයි.
මේ පිළිබඳ මරණ පරීක්ෂණය සහ පශ්චාත් මරණ පරීක්ෂණය කරාපිටිය රෝහලේදී පැවැත්වීමට නියමිතය.
ගාල්ල පොලිසිය වැඩිදුර පරීක්ෂණ පවත්වයි.
(උණවටුන - ඩී.ජී. සුගතපාල)
0 Comments