මුද්දරේට තමුන්ගේ මූණ දාගන්න දැන් අවස්ථාව

තමන්ගේ රූපය යොදා ගනිමින් මුද්දරයක් ලබා ගැනීමේ හැකියාව දැන් මහජනතාවට ලබා දී ඇති බවත් ඒ අනුව ඒ සඳහා කැමැත්ත දක්වන සියළු දෙනාට අවශ්‍ය කටයුතු මේ වනවිට තැපැල් දෙපාර්තමේන්තුවෙන් සිදුකර ගත හැකි බව තැපැල්පති රුවන් සත්කුමාර පවසයි.

ඔහු පවසන්නේ ඒ සඳහා අයකරනු ලබන්නේ රුපියල් 2000ක මුදලක් බවයි.

"මම හිතන්නේ කවුරුවත් දන්නේ නැතිව ඇති තමන්ගේ පින්තුරේ දාලා මුද්දරයක් ගහන්න පුලුවන් කියන එක. දැන් අපි අයකරන්නේ රුපියල් 2000යි මුද්දර 20ක ශීට් එකක් දෙනවා.

මේක සමහරවිට තමන්ගේ උපන්දිනයට වෙන්න පුළුවන්, තමන්ගේ යාළුවාගේ උපන් දිනයට වෙන්න පුළුවන්, තමාගේ දුවගේ පුතාගේ වෙඩින් එකට වෙන්න පුළුවන් වෙඩින් ඉන්විටේෂන් එක යවන්න ඒ දෙන්නාගේ පින්තුරය දාපු මුද්දරයක් ගහලාම යවන්න පුලුවන් හැකියාව තියනවා.

මේක සාමාන්‍ය තැපැල් මුද්දරයක් විදිහටම භාවිතා කරන්න පුළුවන්. මේ සම්බන්ධව අවශ්‍ය නම් අපේ වෙබ් අඩවියට පිවිසීමෙන් ලබා ගන්න පුලුවන්.

ඔයාලගේ ජීවිතේ වැදගත්ම අවස්ථාවක තමන්ගේ රූපේ තියන මුද්දරේකට එන්න පුලුවන්" යැයි ඔහු පවසයි.