අමෙරිකානු ඩොලරයට සාපේක්ෂව රුපියලේ අගය තවදුරටත් ඉහළ යාමත් සමඟ එහි ප්‍රතිලාභ ආහාර ද්‍රව්‍ය ඇතුළු ආනයනික භාණ්ඩ පරිභෝජනය කරන පාරිභෝගිකයන් වෙත ලබාදීමට පියවර ගන්නා ලෙස වෙළෙඳ අමාත්‍යාංශයට උපදෙස් දී තිබේ.
ඉදිරි මාස දෙක ඇතුළත විදේශ විනිමය අනුපාතිකය එක්සත් ජනපද ඩොලරයක් සඳහා රුපියල් 280 දක්වා වනු ඇතැයි අපේක්ෂා කරන බව භාණ්ඩාගාර ජ්‍යෙෂ්ඨ නිලධාරියෙක් ඉරිදා ඉංග්‍රීසි පුවත්පතකට පවසා ඇත.
යෝජිත නව ක්‍රියාමාර්ග සමඟින් ආනයනික භාණ්ඩවල මිල අඩු කිරීමට වෙළෙඳුන් අපොහොසත් වුවහොත් භාණ්ඩ සඳහා මිල පාලනයක් පැනවීම ඇතුළු දැඩි ක්‍රියාමාර්ග ගැනීමට රජයට සිදුවිය හැකි බවද ඔහු පවසා ඇත.
විදේශ ප්‍රේෂණ වැඩිවීම සහ සංචාරක ව්‍යාපාරයෙන් ලැබෙන ආදායම රුපියලේ අගය ඉහළ යාමට බලපෑ සාධක අතරට එක් වූ බව එම නිලධාරියා පැවසීය.
භාණ්ඩ ආනයනය සඳහා තරඟකාරී වෙළඳාම ඉහළ නැංවීමේ යෝජනාවක් සඳහා වෙළඳ අමාත්‍යාංශය හෙට කැබිනට් අනුමැතිය ලබා ගැනීමට නියමිතයි.
ශ්‍රී ලංකා මහ බැංකුවට අනුව මේ වසරේ පෙබරවාරි 29 වැනිදා දක්වා කාලය තුළ එක්සත් ජනපද ඩොලරයට සාපේක්ෂව ශ්‍රී ලංකා රුපියල 4.4% කින් ඉහළ ගොස් තිබේ.
වෙළඳපොලේ මිල අඩු මට්ටමක තබා ගැනීම සඳහා පිටි, සීනි, ළූණු, පරිප්පු සහ කිරි ආහාර ඇතුළු භාණ්ඩ ආනයනය කිරීම සඳහා තරඟකාරී වෙළඳාම ඉහළ නැංවීම සඳහා වන යෝජනාවක් සඳහා වෙළඳ අමාත්‍යාංශය හෙට කැබිනට් අනුමැතිය ලබා ගැනීමට නියමිතය.
පාරිභෝගිකයින්ට උපරිම ප්‍රතිලාභ ලබා දීම සඳහා ආනයනය කරන අවස්ථාවේ භාණ්ඩ මිල ගණන්, වරායෙන් මුදා හරින අවස්ථාවේ සහ භාණ්ඩ දේශීය වෙළඳපොළට පැමිණෙන විට අවසන් මිල ගණන් පිළිබඳ පුළුල් ප්‍රචාරයක් ලබා දීමට මෙම යෝජනාව අනුමැතිය ඉල්ලා ඇති බව පැවසීය.
පසුගිය මාස කිහිපය තුළ රුපියලට සාපේක්ෂව ඇමෙරිකානු ඩොලරයේ විනිමය අනුපාතිකය පහළ ගියද මිල ඉහළ මට්ටමක පැවතීමත් සමඟ එහි ප්‍රතිලාභය පාරිභෝගිකයන් වෙත ලැබී නොමැති බව වෙළෙඳ පොළ විශ්ලේෂණවලින් පෙනී යාමෙන් පසු මෙම තීරණය ගෙන ඇති බව ඔහු පැවසීය.
"සමහර වෙළඳුන් මිල වෙනස් කිරීමට අසමත් වීමෙන් අමතර සුපිරි ලාභයක් තබා ගනී," ඔහු පැවසීය.
ආනයනික මිල අඩු කිරීමේ ප්‍රතිලාභ පාරිභෝගිකයන් වෙත ලබාදීමේ ක්‍රමවේදයක් සකස් කරන ලෙස මුදල් අමාත්‍යාංශය වෙළෙඳ අමාත්‍යාංශයට උපදෙස් දී ඇති බව වාර්තාවේ.
ඒ අනුව සෑම අඟහරුවාදා දිනකම භාණ්ඩ මිල ගණන් ප්‍රසිද්ධියට පත් කරන අතර එමඟින් පාරිභෝගිකයින්ට වෙළඳපල මිල පිළිබඳ දැනුමක් ලබා ගැනීමටත් අනෙකුත් වෙළඳුන්ට භාණ්ඩ මිල ස්වයංක්‍රීයව පහත වැටීම සහතික කිරීම සඳහා ආනයන වෙළඳපොළට ඇතුළු වීමටත් හැකි වේ.
වෙළඳ අමාත්‍යාංශය මේ සතියේ ප්‍රධාන ආනයනකරුවන්ට ආරාධනා කර මෙම පියවර පිළිබඳව ඔවුන් දැනුවත් කළේය.
එක්සත් ජනපද ඩොලරයට සාපේක්ෂව රුපියලේ අගය තවදුරටත් ඉහළ යාම සැලකිල්ලට ගනිමින් සහ එහි වාසිය ජනතාව වෙත ලබාදීමේ අරමුණින් මෙම නව නියෝගය නිකුත් කළ බව භාණ්ඩාගාර ජ්‍යෙෂ්ඨ නිලධාරියෙක් පැවසීය.
0 Comments