වැල්ලවාය පොලිස් වසමට අයත් මැදගොඩ ප්‍රදේශයේ පදිංචි 11 හැවිරිදි දැරියක් දූෂණයකට ලක්කළ අසල්වැසි විවාහකයෙකු පෙරේදා (25) පොලිසිය මඟින් අත්අඩංගුවට ගෙන ඇත.
අතවරයට පත්වූ දැරිය අසල්වැසි නිවසකට ගොස් සැකකරුගේ දියණියක් සමඟ සෙල්ලම් කරමින් සිට ඇත.
දැරිය නි‍ෙවසේ කාමරයකට කැඳවාගෙන ගොස් බියවද්දා දූෂණය සිදු කර කිසිවෙකුට හෝ එය පැවසුවහොත් මරණ බවට තර්ජනයකර ඇත. දින කිහිපයක් තුළ අවස්ථා කිහිපයකදී මෙලෙස අතවර කර ඇති බව මූලික පරීක්ෂණවලදී අනාවරණයවී තිබේ.
119 මෙහෙයුම් මැදිරියට ලද තොරතුරක් මත 49 හැවිරිදි දෙදරු පියෙකු වන සැකකරු අත්අඩංගුවට ගෙන වැල්ලවාය මහේස්ත්‍රාත් අධිකරණයට ඉදිරිපත් කිරීමට කටයුතු යොදා ඇත. දැරිය වෛද්‍ය පරීක්ෂණයක් සඳහා වැල්ලවාය මූලික රෝහලට ඇතුළත් කර තිබේ.
වැල්ලවාය පොලිස් ස්ථානාධිපති ටී.එම්. කරුණාතිලක මහතා පරීක්ෂණ පවත්වයි.
ඌව වෙල්ලස්ස ඩී.එස්. ගුණතිලක
0 Comments