ඉන්දියාවේ කෝටිපති ව්‍යාපාරික මුකේෂ් අම්බානිගේ පුත් ආනන්ද් අම්බානිගේ සහ රාධික් මර්චන්ට්ගේ විවාහයේ මුල් අදියර පසුගිය මාර්තු මාසයේ පැවැත්වීමෙන් පසු දෙවැනි පූර්ව විවාහ උත්සවය අද මැයි 29 වැනිදා සිට ආරම්භ වීමට නියමිතයි.
දින හතරක් පුරා පැවැත්වෙන මෙම උත්සවය සඳහා සහභාගීවන අමුත්තන්ට අම්බානිගේ වියදමින් යුරෝපා සංචාරයක් සූදානම් කර ඇති අතර මෙහි විශේෂත්වය වන්නේ සුඛෝපබෝගී නෞකාවකින් අමුත්තන් රැගෙන යමින් රටවල් කිහිපයක උත්සවයේ ඉසව් පැවැත්වීමයි.
ඉන්දීය මාධ්‍ය මෙම අපූරු විවාහ උත්සවයේ කාලසටහන අනාවරණය කර තිබේ.
ඉතාලිය සහ ප්‍රංශය අතර මුහුදේ යාත්‍රාවක ගමන් කරන අතරතුර උත්සවය සමරනු ලැබේ.
උත්සවයේ පළමු දිනයේ පිළිගැනීමේ දිවා ආහාරය සහ තරු රාත්‍රී උත්සවයක් ඇත. දෙවන දිනයේදී, සෑම කෙනෙකුම රෝම නගරයේ සංචාරය කරන අතර රාත්‍රී භෝජන සංග්‍රහයක් සහ ටෝගා සාදයක් නෞකාවේ පැවැත්වේ. තුන්වන දිනයේදී සියල්ලෝම ප්‍රංශයේ කෑන්ස් වෙත ළඟා වන අතර මෙහිද නෞකාවේ සාදයක් පැවැත්වේ. හතරවෙනිදා එනම් අවසන් දිනයේ නැවත ඉතාලියේ Portofino හි සංචාරයක් පවතී.
මෙම දෙවන පූර්ව විවාහ උත්සවය පැවැත්වෙන නෞකාවේ නම 'Celebrity Ascent' වන අතර. එය මෝල්ටාවේ නිපදවා ඇත.මෙම නෞකාව තරු පහේ පහසුකම් සහිත පාවෙන නිවාඩු නිකේතනයකි. පූර්ව විවාහ උත්සවයට අමුත්තන් 800ක් සහභාගී වනු ඇත. මගී ධාරිතාව 3279ක් සහිත නෞකාවකි.
මෙම අමුත්තන්ට ආහාර සැපයීම සඳහා ආගන්තුක සත්කාරක කාර්ය මණ්ඩලය 600 ක් ඇත. යුරෝපීය සංචාරක මෙහෙයුම් සමාගමක් වන Aloschi Brothers එහි විධිවිධාන හසුරුවනු ඇත.
උත්සවය වෙනුවෙන් එය මැයි 29 වැනිදා ඉතාලියේ පැලර්මෝ වරායෙන් පිටත්ව කිලෝමීටර් 4380ක් ගෙවා දකුණු ප්‍රංශයට ළඟා වේ.
වාර්තාවකට අනුව, සුපිරි පොප් ගායිකාවක් වන ෂකීරා මෙම දෙවන පූර්ව විවාහ උත්සවයේ ප්‍රසංග රඟ දක්වනු ඇත. මෙම පෞද්ගලික උත්සවයේ රඟ දැක්වීමට ඇය ඉන්දීය රුපියල් කෝටි 10ත් 15ත් අතර මුදලක් අයකරනු ඇතැයි අසන්නට ලැබේ. මීට පෙර ජාත්‍යන්තර පොප් ගායිකා රිහානා ජම්නගර් හි පැවති පළමු පූර්ව විවාහ උත්සවයට ඉදිරිපත් කිරීම් කර ඇත.
දෙවන පූර්ව විවාහ අවස්ථාවට සහභාගී වීම සඳහා ඉන්දියාවේ සිට බොලිවුඩයේ ජනප්‍රිය තරු රැසක් ඉතාලිය බලා පිටත්ව ගොස් තිබෙයි. ෂාරුක් ඛාන්, සල්මන් ඛාන්, රන්වීර් සිං, රන්බීර් කපූර් සහ ආලියා භාත් වැනි නළුනිළියන්ගේ නම් මෙම ලැයිස්තුවට ඇතුළත් වේ.
මුකේෂ් අම්බානිගේ පුත් ආනන්ද් අම්බානි සහ රාධිකා මර්චන්ට් මාර්තු පළමු උත්සවයත් මැයි දෙවන උත්සවයත් පවත්වා අවසන් වූ පසු ජූලි මාසයේදී විවාහ වීමට නියමිතයි.
මෙම උත්සව සැමරුම ඔවුනගේ පුද්ගලික උත්සවයකටත් වඩා අනාගත ව්‍යාපාර අවස්ථා සඳහා ප්‍රතිරූප ප්‍රවර්ධනය පිණිස සංවිධානය කෙරෙන්නක් බවට පසුගිය කාලයේ කතාබස් ඇති විය.
සමාජ මාධ්‍ය වෙත නිකුත්වූ සුඛෝපභෝගී නෞකාවේ ඡායාරූප කිහිපයක් පහතින්
0 Comments