කොළඹ - කටුනායක අධිවේගී මාර්ගයේ විදුලි පහන්වලට යොදා තිබෙන තඹ කම්බි කපමින් සිටියදී අල්ලා දුන් පුද්ගලයා පොලිස් අත්අඩංගුවෙන් මිදී පලා ගොස් ඇතැයි මාර්ග සංවර්ධන අධිකාරිය සඳහන් කරයි.මත්ද්‍රව්‍ය වලට ඇබ්බැහි වුවන් මෙම මාර්ගයේ තඹ කම්බි කැපීම හේතුවෙන් කිලෝමීටර් 25ක පමණ දුරකින් යුත් කොළඹ කටුනායක අධිවේගී මාර්ගයේ කිලෝමීටර් 13ක පමණ ප්‍රමාණයක් දැඩි අඳුරේ පවතින බව එම ආරංචි මාර්ග සඳහන් කරයි.
පෙරේදා 29 දහවල් කිලෝමීටර් 3 කණුව අසලදී තඹ කම්බි කපමින් සිටි පුද්ගලයකු අදාළ කියතත් සමග මාර්ග සංවර්ධන අධිකාරියේ විදුලි කාර්මිකයන් විසින් අල්ලා සීදුව අධිවේගී මාර්ග පොලීසියට භාරදී තිබිණි. අදාළ පුද්ගලයාව පොලිස් නිලධාරින් තිදෙනෙකු විසින් පෑලියගොඩ අධිවේගී මුරපොළට රැගෙන ඒමේදී සැකකරු කෙළ ගැසීමට අවශ්‍ය බව පැවසීමේදී මදක් ඉදිරියට ගෙන ඇති අතර විදුලි සංඥා පුවරුව අසල වාහනය නතර කිරීමත් සමඟම ඔහු දොර විවෘත කර එයින් පිටතට පැන පලා ගොස් ඇතැයි පොලිස් ආරංචි මාර්ග සඳහන් කරයි.මේ සම්බන්ධයෙන් මාර්ග සංවර්ධන අධිකාරියේ නිලධාර්න් උසස් පොලිස් නිලධාට ලිඛිතව පැමිණිලි කිර්මට ද පියවර ගෙන ඇත. මේ සම්බන්ධයෙන් පොලිස් මාධ්‍ය ප්‍රකාශක නියෝජ්‍ය පොලිස්පති, නීතීඥ නිහාල් තල්දූව මහතාගෙන් විමසීමේදී පවසා සිටියේ එවැනි සිද්ධියක් සිදුවී ඇති බවට වාර්තා වී ඇති බවය.
බිමල් ශ්‍යාමන් ජයසිංහ
0 Comments