![mumbai-cutout-collapse mumbai-cutout-collapse](https://blogger.googleusercontent.com/img/b/R29vZ2xl/AVvXsEjUnRXMq3JqPO69Cm4vWuB4Sd7OzmHh0-4z4ROCbhY05-lwRxWJMksW9NZ3I1FrvELb24AvSDV33xOmLkjh1RxhOtvGWL3WZtC_pCdy0fZvHFzlkKHs7jcu1b_dqeqqrjv8XK2OmmgtF_vqMymgcGan0lDh3qb-6oXIsz6lbwa6JKoOyx6ccjfLrT5g93w5/s16000-rw/collage.jpg)
ඉන්දියාවේ මූල්ය අගනුවර වන මුම්බායි හි ගිගුරුම් සහිත වැසි අතරතුර දැවැන්ත දැන්වීම් පුවරුවක් මිනිසුන් මතට වැටීමෙන් අවම වශයෙන් පුද්ගලයින් 14 දෙනෙකු මිය ගොස් තවත් විශාල ගණනක් තුවාල ලබා ඇති බව විදෙස් මාධ්ය පවසයි.
සඳුදා තද සුළං සහ වර්ෂාවත් සමඟ නැගෙනහිර තදාසන්න ප්රදේශයක් වන ඝට්කෝපර් හි කාර්යබහුල මාර්ගයක් අසල මෙය සිදුවිය. සමහර නිවාස කඩාවැටී ඇති අතර ඉන්ධන පිරවුම්හලක් මතටද දැන්වීම් පුවරු කොටසක් කඩා වැටී ඇත.
සිද්ධියෙන් පසු බොහෝ පිරිසක් සිරවී සිටි අතර ගලවා ගැනීමේ මෙහෙයුම් අඟහරුවාදා අලුයම දක්වා ක්රියාත්මක විය. මුම්බායි හි නගරසභාව පැවසුවේ අනතුරෙන් පුද්ගලයින් 74 දෙනෙකු තුවාල ලබා රෝහල් ගත කර ඇති අතර ඉන් 31 දෙනෙකු මුදා හැර ඇති බවයි.
මීටර් 30 (අඩි 100) උසැති දැන්වීම් පුවරුව සම්බන්ධයෙන් ගැටලු පවතින බව
ප්රෙස් ට්රස්ට් ඔෆ් ඉන්දියා ප්රවෘත්ති ඒජන්සිය වාර්තා කර තිබේ.
පොලිස් නිලධාරීන් උපුටා දක්වමින් දැන්වීම් පුවරුව නීතිවිරෝධී ලෙස සවි කර ඇති බව ඔවුහු වාර්තා කළහ.
මහාරාෂ්ට්ර ප්රාන්තයේ අගනුවර වන මුම්බායි නගරයට වැසි සහ දූවිලි කුණාටු සමඟ ඇති වූ තද සුළං හේතුවෙන් ගස් උදුරා දැමූ අතර නගරයේ සමහර ප්රදේශවල කෙටි විදුලිය විසන්ධි වීමත් සමඟ නගරයේ දුම්රිය ජාලයට බාධා ඇති විය.
ගිගුරුම් සහිත වැසි හේතුවෙන් නගරයේ සමහර ප්රදේශවල ගමනාගමනය ඇණහිට ඇති අතර අවම වශයෙන් ගුවන් ගමන් 15ක්වත් හරවා යවා ඇති අතර රටේ කාර්යබහුලතම ගුවන් තොටුපළක් වන එහි ගුවන් තොටුපළේ මෙහෙයුම් අඩාල විය.
සඳුදා රාත්රියේ මහාරාෂ්ට්ර ප්රාන්තයේ නියෝජ්ය මහ ඇමති දේවේන්ද්ර ෆඩ්නාවිස් පැවසුවේ සිද්ධිය සම්බන්ධයෙන් ඉහළ මට්ටමේ පරීක්ෂණයක් පැවැත්වීමට නියෝග කර ඇති අතර වගකිවයුත්තන්ට එරෙහිව දැඩි ක්රියාමාර්ග ගන්නා බවයි.
![](https://blogger.googleusercontent.com/img/b/R29vZ2xl/AVvXsEi4oDCNpoZ0ivcz4Lsuj0z4R6Fgh_IhUeifKfDsYj_9llX5f1tsNduz2CGQElejb2KMwDDOWSqNYBCthDQKN7l8w-aoUM5hu0I2M3DC-jMBJuc0il5MUBkuUVtG_KaTcyx6x6CLx-RmqKH-cDVDWNW7VZtjA6aI2Qh_6bS5o4nPXRDcF8HCRiOVmbmkSVX4/s16000-rw/15109223.jpg)
![](https://blogger.googleusercontent.com/img/b/R29vZ2xl/AVvXsEgfji6ggiDDKF7xy5hwDX_Tj753GEG2v2cQONZZyU-Ngwvm6e9D_1mzIXlKiFY-PueYreTAn2wfpw5VHIzrxvnEyqL04s8jFVkCvcR4HdGPMkRsoJrByRkRezsLEFYWKffbvqvICdYzexA5QXlDpNpYFPYJoWnY0FC_poPT2zhJPgDAPCX7ZPc4YNGvw4eV/s16000-rw/15109222.jpg)
0 Comments