ඉන්දීය අග්‍රාමාත්‍ය නරේන්ද්‍ර මෝදි සහ ඔහුගේ අමාත්‍ය මණ්ඩලයේ දිවුරුම් දීමේ උත්සවයට සහභාගී වන කලාපීය නායකයින් අතරට ජනාධිපති රනිල් වික්‍රමසිංහ මහතා ද එක්වීමට නියමිතය.
ජනාධිපති වික්‍රමසිංහ මහතා හැර ශ්‍රී ලංකා දූත පිරිසේ සෙසු පිරිස වන්නේ ජනාධිපති ලේකම් සමන් ඒකනායක සහ විදේශ ලේකම් අරුණි විජේවර්ධන, විදේශ අමාත්‍යාංශයේ වැඩබලන අතිරේක ලේකම් අරුණි රණරාජා මහත්මිය සහ ජනාධිපති ආරක්ෂක අංශයේ නිලධාරීන් ඔවුන් සමඟ එක්වීමට නියමිතය.
මෙම උත්සවයට සහභාගි වීම සඳහා ශ්‍රී ලංකා දූත පිරිස එයාර් ඉන්දියා ගුවන් යානයකින් අද පෙරවරුවේ ඉන්දියාව බලා පිටත්ව ගිය බව පැවසේ. උත්සවයෙන් අනතුරුව ඉන්දීය ජනාධිපති ද්‍රෞපදි මුර්මු විසින් රාෂ්ට්‍රපති භවන්හිදී පවත්වන භෝජන සංග්‍රහයකට වික්‍රමසිංහ මහතා ඇතුළු නායකයින් සහභාගී වීමට නියමිතය.
ශ්‍රී ලංකා දූත පිරිස හෙට යළි කොළඹට පැමිණීමට නියමිතය.
වික්‍රමසිංහ මහතාට අමතරව බංගලිදේශය, නේපාලය, භූතානය, මාලදිවයින, සීෂෙල්ස් සහ මොරිෂස් යන රටවල නායකයින්ට ද අද උත්සවයට ආරාධනා කර තිබේ.
කෙසේ වෙතත් පාකිස්තානයේ සහ මියන්මාරයේ නායකයින් පැමිණ නොසිටිනු ඇත. අග්‍රාමාත්‍ය නරේන්ද්‍ර මෝදිගේ දිවුරුම් දීමේ උත්සවයට සහභාගී වීම සඳහා නායකයින්ගේ සංචාරය කොළඹ ඉන්දීය මහ කොමසාරිස් කාර්යාලය සංවිධානය කර තිබේ.
0 Comments